Azərbaycan Taekvondo Federasiyasının vitse-prezidenti: "Gənclərimiz Türkiyədə yüksək nəticələr qazandılar"
Gənclərimiz yüksək nəticələr qazandılar. Böyüklərdən ibarət milli üzvlərinin çıxışını isə qənaətbəxş hesab edirəm.
Bu fikirləri "Report"a açıqlamasında Azərbaycan Taekvondo Federasiyasının (ATF) vitse-prezidenti Niyaməddin Paşayev deyib.
O, Azərbaycan təmsilçilərinin Antalya şəhərində keçirilmiş G-2 kateqoriyalı XII Türkiyə Açıq beynəlxalq turnirində iştirakı ilə bağlı fikirlərini bölüşüb:
"Yarışda gənclər və böyüklər komandası tam heyətlə mübarizə apardı. Turnir ilk dəfə "Daedo Gen3" sistemi ilə təşkil olundu. İdmançı və məşqçilərimiz üçün bir sınaq oldu. Əsas yığmamız yanvarın 5-dən məşqlərə başlamışdı. Taekvondoçular öz çəkilərindən bir çəki yuxarıda mübarizə aparırdılar. Yarış da yüksək səviyyədə təşkil olunmuşdu. Martda böyük və yeniyetmə taekvondoçularımızı Belçika və Hollandiyada keçiriləcək beynəlxalq turnirlər gözləyir".
N.Paşayev Türkiyə Taekvondo Federasiyasının (TTF) rəhbərliyinin onlara xatirə hədiyyəsi təqdim etməsi barədə danışıb:
"Üçqat dünya çempionu, olimpiya ikincisi, 5 qat Avropa çempionu Bahri Tanrıqulu seçkilərdə qalib gələrək Türkiyə Taekvondo Federasiyasının prezidenti seçilib. Orada olduğumuz müddətdə qarşılıqlı əməkdaşlığın rəmzi olaraq ATF-yə xatirə hədiyyəsi təqdim etdi. Birlikdə müzakirələrimiz oldu, hər üç yaş qrupu üzrə qarşılıqlı təlim-məşq toplanışları keçirməyi, təcrübə mübadiləsi aparmağı düşünürük. Bu, bizim proqramlarda da əksini tapır".
Vitse-prezident Ramal Camalovla yanaşı, Aygül Abdullayevanın da turnirin ən yaxşı hakimi seçilməsi ilə bağlı fikirlərini bölüşüb:
"Yarışda beynəlxalq dərəcəli referilərimiz ölkəmizi təmsil etdilər. ATF-in baş hakimi Gündüz Abdullayev parataekvondo və kyorugi, ATF-in baş hakiminin müavini Aygül Abdullayeva və Ramal Camalov parataekvondo, kyorugi (döyüş) və pumse, Etibar İbrahimov isə pumse üzrə turnirlərdə hakim kimi təmsil olundular. Yarışların yekununda bir kişi və bir qadın hakim yarışın ən yaxşısı adına layiq görüldü. Ramal Camalov kişilər arasında bu ada layiq görüldü. Bu bir daha göstərir ki, federasiya tərəfindən idmançılarımızın yetişdirilməsi ilə yanaşı, hakimlərin də beynəlxalq səviyyədə təmsil olunmalarına diqqət yetirilir".
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Klassik avtomobillərin yürüşü və sərgisi keçirilib
İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
UEFA Millətlər Liqasında qrup mərhələsinin son oyunları keçirilib
-
Nvidia direktorlar şurası Censen Huangi baş direktor vəzifəsinə qaytarmaq niyyətində deyil
-
Rumıniyada güclü zəlzələ baş verib
-
Norveçdə pensiya yaşı artırıla bilər













