Rıjenkov: Belarus "Şimal–Cənub" dəhlizinə ticarətin inkişafı üçün prioritet marşrutlardan biri kimi baxır
Minsk "Şimal-Cənub" beynəlxalq nəqliyyat dəhlizinə Asiya ölkələri ilə ticarətin inkişafı üçün prioritet marşrutlardan biri kimi baxır.
"Far.Az" xəbər verir ki, bu barədə Belarusun xarici işlər naziri Maksim Rıjenkov Hindistanın "CNN-News18" nəşrinə müsahibəsində bildirib.
Onun sözlərinə görə, Avrasiyada yeni nəqliyyat-logistika marşrutlarının inkişafı Belarusun strateji maraqlarına cavab verir, çünki bu, ölkə məhsullarının ixracı, zəruri malların idxalı və vətəndaşların gediş-gəlişi üçün əlavə imkanlar təmin edir.
"Son vaxtlar qismən Rusiya və Azərbaycan ərazisindən, Xəzər dənizi vasitəsilə, daha sonra isə İran üzərindən Hind okeanı akvatoriyasında yerləşən limanlara keçən "Şimal-Cənub" dəhlizinin inkişafını diqqətlə öyrənirik. Mallarımızın ixracı, Belarus üçün xarici məhsulların alınması, eləcə də vətəndaşlarımızın hərəkəti üçün müxtəlif alternativ dəhlizlərin mövcudluğu respublikanın maraqlarına tam cavab verir", - o qeyd edib.
Rıjenkov vurğulayıb ki, bu marşrut sayəsində Belarus öz mallarının Asiyaya, həmçinin Şərqi və Cənub-Şərqi Afrikaya çatdırılma məsafəsini iki dəfə azalda bilər.
"Biz sadəcə bu prosesi fəal şəkildə izləmirik, həm də bu marşrutlar üçün rezerv etməyə hazır olduğumuz yüklərin konkret nomenklaturasını və həcmini müəyyən edərək tərəfdaşlarımızı stimullaşdırırıq", - nazir bildirib.
Onun sözlərinə görə, Belarus həmçinin İran ərazisində Rusiya tərəfinin də dəstəyi ilə inşa edilən yarımçıq qalmış dəmir yolu hissəsinin tezliklə işə salınmasını gözləyir.
Oxşar xəbərlər
"Azərbaycan dilini öyrənirik" kitabının təqdimat mərasimi olub
Güclü qar Qəbələnin dağlıq kəndlərinə gediş-gəlişi çətinləşdirib
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Prezident İlham Əliyev Qaradağ rayonunda kağız və gigiyenik məhsulların istehsalı müəssisəsinin açılışında iştirak edib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
UEFA Millətlər Liqasında qrup mərhələsinin son oyunları keçirilib
-
Nvidia direktorlar şurası Censen Huangi baş direktor vəzifəsinə qaytarmaq niyyətində deyil
-
Rumıniyada güclü zəlzələ baş verib
-
Norveçdə pensiya yaşı artırıla bilər













