Azərbaycan təmsilçiləri martın 3-də Monteneqronun Budva şəhərində start götürəcək gənc boksçular arasında "Adriatik incisi" beynəlxalq turnirində iştirak edəcəklər.

Azərbaycan Boks Federasiyasının mətbuat xidmətindən verilən məlumata görə, milli həm oğlanların, həm də qızların yarışında mübarizə aparacaq.

Yığmanın baş məşqçisi Elbrus Rzayevlə Ceyhun Abiyev turnirdə Bilalhəbaşi Nəzərov (51 kq), Zidan Hümbətov (54 kq) və Məhəmməd Cəfərova (+92 kq) şans verəcək.

Qız boksçuların mübarizəsində isə məşqçi Anar Baxışovun rəhbərliyi altında Banuçiçək Nəsirli (48 kq), Cəmilə Sultanlı (50 kq), Özləm Həsənova (66 kq) və İlkanə Əhmədova (+81 kq) rinqə çıxacaq.

"Adriatik incisi"ndə Fərhad Rəhmanov hakimlər sırasında yer alacaq.

Qeyd edək ki, yarışa martın 2-də yollanacaq komanda ayın 10-da Bakıya dönəcək.

Oxşar xəbərlər

Ali məktəblərə qəbulun nəticələri açıqlanıb

Bu günün valyuta məzənnələri

Azərbaycan boksçuları Monteneqroda dünya çempionatında iştirak edəcəklər

Gənc boksçular arasında Azərbaycan birinciliyinin qalibləri müəyyənləşib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4