IMF-in İcraiyyə Şurası Azərbaycanın iqtisadi siyasətini müzakirə edib
Beynəlxalq Valyuta Fondunun (IMF) İcraiyyə Şurası martın 21-də fondun Nizamnaməsinin IV maddəsi çərçivəsində Azərbaycanda keçirilmiş illik məsləhətləşmələrin nəticələrini müzakirə edib.
BAKU.WS report-a istinadən xəbər verir kiç fondun Azərbaycan, Yaxın Şərq və Mərkəzi Asiya üzrə missiyasının rəhbəri Anna Bordon 2025-ci il yanvarın 22-dən fevralın 5-dək Bakıda səfərdə olub. Bu müddətdə o, hökumət və Mərkəzi Bank nümayəndələri ilə görüşlər keçirib.
IV maddəyə əsasən, IMF beynəlxalq valyuta sisteminin sabitliyini təmin etmək üçün üzv ölkələrin iqtisadi, maliyyə və valyuta siyasətinə nəzarət edir. Bu məsləhətləşmələr çərçivəsində fondun ekspertləri makroiqtisadi vəziyyəti təhlil edir, məlumat toplayır və milli hakimiyyət orqanları ilə əsas iqtisadi məsələləri müzakirə edirlər. Səfərin nəticələrinə əsasən hazırlanan hesabat İcraiyyə Şurasına təqdim edilir, bundan sonra isə fond ölkə hökumətinə öz tövsiyələrini göndərir.
IMF missiyası 2025-ci ilin əvvəlində Bakıya səfəri zamanı Azərbaycan hökumətinin iqtisadi bloku ilə makroiqtisadi göstəriciləri, neft-qaz sektorundakı vəziyyəti, dekarbonizasiya təşəbbüslərini, iqlim dəyişikliklərinə uyğunlaşma tədbirlərini, həmçinin maliyyə sektorunun qiymətləndirilməsi ilə bağlı tövsiyələri müzakirə edib.
IMF-in məlumatında qeyd olunur ki, Azərbaycan hökumətinin fond əməkdaşlarının hesabatı və müvafiq mətbuat bəyanatı ilə tanış olması üçün əlavə vaxt tələb olunur.
Qeyd edək ki, Azərbaycan 18 sentyabr 1992-ci ildən IMF-in üzvüdür. 1995-2005-ci illərdə Valyuta fondu ölkədə iqtisadi islahatları dəstəkləmək məqsədilə ümumilikdə 577,3 milyon ABŞ dolları məbləğində kredit ayırıb. Bu vəsaitlər tam qaytarılıb. 2006-cı ildən etibarən Azərbaycan və IMF arasında əməkdaşlıq IV maddə üzrə məsləhətləşmələr və makroiqtisadi siyasət sahəsində texniki dəstək çərçivəsində davam edir, çünki ölkənin fondun maliyyə resurslarına ehtiyacı olmayıb.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2
Klassik avtomobillərin yürüşü və sərgisi keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
ABŞ-də ölkə üzrə aviareyslərin dayanmasının detalları məlum olub
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
Ağstafada sursat partlayışı nəticəsində xəsarət alan şəxsin durumu açıqlanıb
-
Şotlandiyada minlərlə insan Sİ üçün data-mərkəzlərin tikintisinə qarşıdır
-
INL: Qərbi Balkanın cinayət şəbəkələri ABŞ vətəndaşları üçün təhlükə yaradır
-
Ammar Baxşalıyev batut gimnastikası üzrə dünya çempionatının finalına yüksəlib













