Cənub bölgəsində bazarlardan yoxa çıxan yerli fındıq - Məhsuldarlıq niyə azalır?
Son illərdə ölkənin cənub zonasında, əsasən də Biləsuvar və Cəlilabad rayonlarında fındıq istehsalı sürətlə azalmaqdadır.
Bu barədə "Report"un Muğan bürosuna sözügedən rayonların sakinləri bildiriblər.
Onların sözlərinə görə, hazırda yerli fındığı Zaqatala-Qax bölgəsindən gətirilən məhsullar əvəz edir.
Sakinlər qeyd ediblər ki, sözügedən bölgədən gətirilən məhsulun görünüşü xoş olsa da, yerli fındıqla müqayisədə həm dadı fərqlidir, həm də çox bahadır.
"Vaxtilə kiloqramı 2 manata satılan yerli fındıq indi bazarlarda tapılmır. Əvəzində isə Zaqatala-Qax bölgəsindən gətirilən fındığın satış qiyməti 7 manatdan başlayır", - onlar vurğulayıblar.
Məsələ barədə danışan bioloq Vidadi Məmmədov sakinlərin yerli fındıqla bağlı söylədiklərini təsdiqləyib.
O qeyd edib ki, özünəməxsus dad müxtəlif meyvələri bir-birindən fərqləndirən əsas xüsusiyyətdir:
"Əlbəttə, yerli və başqa regionlarda yetişdirilən meyvələr arasında ciddi fərq var. Belə ki, cənub zonasında becərilən yerli fındıq məhsulu kiçik və gözəgəlimli olmasa da, yağlılığına və uzun müddət sağlam qalmaq baxımından digər ərazilərin fındığından kəskin fərqlənir.
Ümumiyyətlə, son dövrlərdə Muğan-Aran bölgəsində ərik, şaftalı, badam, fındıq və sair bitkilərin məhsuldarlığı kəskin azalıb. Bunun əsas səbəbi torpaqda və suda bitkilər üçün zəruri olan mineralların azlığıdır. Bu problem nəticədə ağacların qurumasına səbəb olur. Digər tərəfdən, fındıq bitkisi rütubətli, eyni zamanda, isti iqlim şəraitində daha məhsuldar olur".
Mütəxəssis əlavə edib ki, Azərbaycanda fındıq əsasən Zaqatala, Balakən və Xaçmaz rayonlarında daha effektiv yetişdirilir. Aran-Muğan zonasında yerli şəraitə uyğunlaşmış fındığın isə əvvəlki məhsuldarlığı yoxdur.
Oxşar xəbərlər
Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Klassik avtomobillərin yürüşü və sərgisi keçirilib
İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
ABŞ-də ölkə üzrə aviareyslərin dayanmasının detalları məlum olub
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
Ağstafada sursat partlayışı nəticəsində xəsarət alan şəxsin durumu açıqlanıb
-
Şotlandiyada minlərlə insan Sİ üçün data-mərkəzlərin tikintisinə qarşıdır
-
INL: Qərbi Balkanın cinayət şəbəkələri ABŞ vətəndaşları üçün təhlükə yaradır
-
Ammar Baxşalıyev batut gimnastikası üzrə dünya çempionatının finalına yüksəlib













