"Şəfəq" Günəş Elektrik Stansiyası layihəsi üzrə işlərə başlanılıb
Cəbrayılda "Şəfəq" Günəş Elektrik Stansiyası layihəsi üzrə bəzi işlərə başlanılıb.
Far.Az xəbər verir ki, bu barədə Trend-ə açıqlamasında "BP-Azerbaijan" şirkətinin mətbuat xidmətinin rəhbəri Tamam Bayatlı məlumat verib.
O, əvvəlcə "Şəfəq" Günəş Elektrik Stansiyasının Azərbaycanın azad olunmuş ərazilərindən birində - Cəbrayılda inşa olunacağını xatırladıb və layihənin son dərəcə yenilikçi, innovativ bir yanaşma ilə həyata keçiriləcəyini vurğulayıb:
"Bu layihəni biz bp-nin operatorluq etdiyi Səngəçal terminalının elektrikləşdirilməsi layihəsi ilə bağlamışıq. Bu iki layihə bir-biri ilə bağlıdır. Çünki Cəbrayıldakı "Şəfəq" Günəş Elektrik Stansiyası inşa olunub bitəndən sonra orada istehsal olunan elektrik enerjisi virtual olaraq Səngəçal terminalına ötürüləcək. Yəni Səngəçal terminalı o elektrik enerjisini virtual olaraq qəbul edəcək. Azərbaycan dövlət elektrik şəbəkəsindən Səngəçal terminalının özünə lazım olan miqdarda enerji balanslaşdırılacaq. Nəticədə bütün terminal elektrikləşdiriləcək.
Bu o deməkdir ki, hazırda yanacaq olaraq terminalın əməliyyatları üçün qaz generatorları vardır ki, orada qaz yandırılır. Həmin generatorlar da terminalı elektrik enerjisi ilə təmin edir".
T. Bayatılının sözlərinə görə, Cəbrayıldakı "Şəfəq" Günəş Elektrik Stansiyası layihəsi işə düşdükdən sonra artıq o qaz generatorlarına ehtiyac qalmayacaq: "Həmçinin terminal özünə lazım olan qədər elektrik enerjisini "Şəfəq"də hasil olunan enerji hesabına təmin etmiş olacaq. Hazırda bu layihə tam irəliləmək üzrədir. Layihə üzrə artıq bəzi işlərə başlanılıb. Amma biz layihədə iştirak edən investorların, sərmayəçilərin tam icra, tikinti işlərinə başlanması ilə bağlı yekun investisiya qərarını gözləyirik. Bu qərarın ardınca layihə üçün investisiya ayrılır və ondan sonra işlərə start verilir. Bu, bu yaxınlarda baş tutacaq".
bp sözçüsü artıq investorların müəyyənləşdiyini, şirkətin layihədə görülən işlərin nədən ibarət olduğunu, neçə ilə inşa ediləcəyini, ilk elektrik enerjisinin nə zaman əldə olunacağını - bütün bunların hər birini yekun investisiya qərarı zamanı açıqlayacaqlarını bildirib:
"Hazırda layihə üzrə bütün işlərə məsul olan şirkət bp-dir. Lakin artıq bu layihəyə tərəfdaş kimi qoşulma ilə bağlı bp Azərbaycan Dövlət Neft Şirkəti (SOCAR) və Azərbaycan Biznesin İnkişafı Fondu ilə Anlaşma Memorandumu da imzalayıb. Yəni qeyd etdiyim iki qurum da sözügedən layihədə investorlar olacaqlar".
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
Prezident İlham Əliyev XII Qlobal Bakı Forumunun açılış mərasimində çıxış edib
Bakıda COP29-un Liderlər Sammitinin açılış mərasimi keçirilib - YENİLƏNİB-2
Cəbrayıldakı “Şəfəq” GES-lə bağlı Birgə İştirak Müqaviləsi imzalanıb
Ən son xəbərləri bizim
"Facebook" səhifəmizdə izləyin
Digər xəbərlər
-
ABŞ-də ölkə üzrə aviareyslərin dayanmasının detalları məlum olub
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
Ağstafada sursat partlayışı nəticəsində xəsarət alan şəxsin durumu açıqlanıb
-
Şotlandiyada minlərlə insan Sİ üçün data-mərkəzlərin tikintisinə qarşıdır
-
INL: Qərbi Balkanın cinayət şəbəkələri ABŞ vətəndaşları üçün təhlükə yaradır
-
Ammar Baxşalıyev batut gimnastikası üzrə dünya çempionatının finalına yüksəlib













