Futbol üzrə Azərbaycan Premyer Liqasının XXXI turun son oyun günündə "Şamaxı" və "Kəpəz" komandaları üz-üzə gəlib.

BAKU.WS telegraf.com-a istinadən xəbər verir ki, Şamaxı şəhər stadionunda baş tutan qarşılaşma meydan sahiblərinin qələbəsilə yekunlaşıb-2:1.

Baş hakim Cavid Cəlilovun idarə etdiyi qarşılaşmada ilk qolu meydan sahiblərinlərinin futbolçusu Alfons Msanqa vurub. 35-ci dəqiqədə Lusi Paçu hesabı bərabərləşdirib. 67-ci dəqiqədə isə Brahim Konate fərqlənərək "Şamaxı"nı hesabda önə çıxarıb.

Matçın 85-ci dəqiqəsində meydan sahiblərinin braziliyalı futbolçusu Maykl Tuik qonaqların oyunçusu Dioqo Verdaskaya qarşı ikinci dəfə kobud hərəkət etdiyi üçün ikinci sarı vərəqə, yəni "qırmızı" alaraq komandasını azlıqda qoyub.

Bu nəticədən sonra Ayxan Abbasovun kpmandası xallarının sayını 34-ə çatdıraraq 6-cı pillədə yer alan "Neftçi" ilə fərqi minimuma endirib. Azər Bağırovun kollektivi isə 28 xalla 9-cu pillədəki yerini dəyişməz saxlayıb.

Qeyd edək ki, turun son görüşündə "Zirə" "Sumqayıt"ı qəbul edəcək. Zirə Olimpiya İdman Kompleksində baş tutacaq görüş saat 19:00-da start götürəcək.

Oxşar xəbərlər

UEFA Avropa Liqası: "Qarabağ" "Tottenhem"ə məğlub olub - YENİLƏNİB-8

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

UEFA Avropa Liqası: "Qarabağ" "Ayaks"a məğlub olub - VİDEO - YENİLƏNİB-8

UEFA Avropa Liqası: "Tottenhem" - "Qarabağ" oyununda ikinci qol vurulub - YENİLƏNİB-5

UEFA Avropa Liqası: "Qarabağ" İsveç klubuna məğlub olub - YENİLƏNİB - 6