Hollandiyanın Maashorst Bələdiyyəsi amerikalı pop-art ustası Endi Uorhola (Andy Warhol) məxsus olan bir əsər də daxil olmaqla, ümumilikdə 46 sənət əsərinin bələdiyyə binasında aparılan təmir işləri zamanı səhvən tullantılarla birlikdə atıldığını açıqlayıb. İtirilmiş əsərlərin ümumi dəyərinin təxminən 22 min avro olduğu bildirilir.

BAKU.WS xəbər verir ki, bu barədə xarici KİV məlumat yayıb.

Bələdiyyənin sifarişi ilə hazırlanmış müstəqil araşdırma hesabatına görə, Uorholun 1980-ci illərdə çəkdiyi və o dövrdəki Niderland Kraliçası Beatrisin portretini əks etdirən ipək çap əsəri, kolleksiya yenidən tərtib olunarkən "iri həcmli tullantılarla" birlikdə səhvən atılıb.

Sözügedən əsər sənətkarın xarakterik pop-art üslubunu əks etdirir. Rəsmi şəxslər əsərlərin artıq tapılmasının mümkün olmadığını bildiriblər.

Araşdırmalar zamanı məlum olub ki, əsərlər bələdiyyə binasının təmiri dövründə zirzəmidə qorunmasız şəkildə saxlanılıb, yerləri tez-tez dəyişdirilib və 2023-cü ildə baş verən su sızması nəticəsində zərər görüb.

Yerli polis, əsərlərin noyabr ayında itdiyinin bildirilməsindən sonra araşdırmaya başlayıb. Lakin yoxlamalar bələdiyyənin kifayət qədər operativ davranmadığını göstərib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Bir sıra heyvan kəsimi və ət satışı məntəqələrində nöqsanlar aşkarlanıb

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4