Okeanın hər qatında mikroplastik tapılıb
Yeni elmi araşdırma mikroplastik çirklənməsinin yalnızca okean səthində deyil, Mariana Çuxuru kimi ən dərin nöqtələr də daxil olmaqla, bütün dəniz qatlarına yayıldığını üzə çıxarıb.
BAKU.WS haber global-a istinadən xəbər verir ki, 4 qitədən alimlərin qatıldığı tədqiqatda 2014–2024-cü illər arasında dünya okeanlarının 1885 fərqli nöqtəsindən nümunələr götürülüb. Nəticələr göstərib ki, mikroplastik hissəcikləri okeanın yalnız səthində deyil, dərin qatlarında da geniş yayılıb.
Tədqiqatçılar Sakit okeandakı Mariana Çuxurunda – təxminən 6700 metr dərinlikdə – hər kubmetrdə 13 min 500 mikroplastik hissəcik aşkar ediblər. Bu göstərici indiyədək qeydə alınan ən dərin mikroplastik çirklənməsi kimi tarixə düşüb.
Yaponiyanın Dəniz və Yer Elmləri Texnologiyaları Agentliyindən araşdırmaçı Şiyə Zhao bildirib ki, mikroplastiklərin ölçüləri çox kiçik olduğu üçün onlar suyun içində uzun müddət asılı qalır və bu da dəniz canlıları üçün ciddi risk yaradır.
Böyük plastik parçalar okean dibinə çökür, mikroplastiklər isə canlılarla daha sıx təmasda olur.
Araşdırmaya əsasən, mikroplastiklər təkcə çirkləndirici deyil, eyni zamanda okeanın təbii karbon dövranına da təsir edir. Bu da onların atmosfer və okean arasındakı balansı poza biləcəyini göstərir.
Elmi məqalənin dərc edildiyi "Nature" jurnalında qeyd olunub:
"Okeandakı mikroplastiklər əsasən geri alınmazdır və zamanla qalıcı hala gəlir."
2020-ci ildə aparılan başqa bir araşdırma isə Atlantik okeanında təxmin ediləndən 10 dəfə çox plastik çirklənməsinin olduğunu göstərmişdi.
Mikroplastiklər yalnız ətraf mühit üçün deyil, insan sağlamlığı üçün də artan bir təhdid sayılır. Çinin Zhejiang Kənd Təsərrüfatı və Meşəçilik Universitetinin tədqiqatına görə, bu hissəciklər insan orqanlarında aşkarlanıb və bəzi hallarda uşaqlıq boynu xərçəngi və toxuma zədələnmələri ilə əlaqələndirilir.
Alimlər bildiriblər ki, müxtəlif plastik növləri fərqli insan toxumalarında aşkar olunub və bu, sağlamlıq baxımından ciddi narahatlıq doğurur. Bununla belə, səbəb-nəticə əlaqəsinin tam müəyyən olunması üçün daha çox araşdırmaya ehtiyac var.
Oxşar xəbərlər
"Elmi Nəşrlər" Azərbaycanda: əməkdaşlığın genişləndirilməsi və alimlərin dəstəyi
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
200 və aşağı bal toplayanlar bu ixtisaslarda oxuyur - SİYAHI
Marsdan olan meteoritdə qədim geotermal qaynaqların izləri aşkar edilib
Ən son xəbərləri bizim
"Facebook" səhifəmizdə izləyin
Digər xəbərlər
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
"Bitly" "X"də kiber hücumun fəsadlarını aradan qaldırmağa çalışır
-
Ağstafada sursat partlayışı nəticəsində xəsarət alan şəxsin durumu açıqlanıb
-
Sabah Bakıda bu ərazilərdə su olmayacaq
-
ABŞ HDQ-nin üçüncü təyyarədaşıyan gəmisi Yaxın Şərqə gəlib
-
Estoniya dekabrın 1-dən Rusiya ilə sərhədlərini bağlayacaq













