Kolumbiyanın Antiokiya departamentinə bağlı Sabaneta qəsəbəsində güclü yağışların səbəb olduğu sel və torpaq sürüşməsi nəticəsində 5 nəfər həyatını itirib.

Yerli mediada yayılan məlumatlara görə, bir müddətdir davam edən intensiv yağışlar bölgədə sel və torpaq sürüşməsinə səbəb olub. Nəticədə 2 ev dağılıb və eyni ailədən bir neçə nəfər dağıntılar altında qalıb.

Yanğınsöndürənlərin uzun müddət davam edən axtarış-xilasetmə işləri nəticəsində 5 nəfərin meyiti tapılıb. Hadisə zamanı itkin düşən 2 nəfərin axtarışı isə davam edir.

Təbii fəlakət Medellin, Envigado, Itagüi və Dagran bölgələrində də bir sıra ailələrə zərər vurub. Təxliyə olunan sakinlər üçün müvəqqəti sığınacaq mərkəzləri yaradılıb.

Sabaneta Bələdiyyəsinin sədri Alder Kruz açıqlamasında torpaq altında neçə nəfərin qaldığının hələ dəqiq bilinmədiyini bildirərək deyib: "Yardım qurumlarımız bu fövqəladə vəziyyət üzərində işləyir. 3-ü qadın, 2-si kişi olmaqla 5 nəfərin meyiti Venancio Diaz Diaz xəstəxanasına aparılıb".

Antiokiya qubernatoru Andres Xulian Rendon isə həyatını itirənlərin yaxınlarına başsağlığı verib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

FHN-in Beynəlxalq Axtarış-Xilasetmə Dəstəsi taktiki-xüsusi təlim keçirib

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2