"Bakı Metropoliteni" Qapalı Səhmdar Cəmiyyəti bir neçə istiqamətdə texniki avadanlıqların satın alınması ilə bağlı müsabiqələr elan edib. Üç ayrı tenderdə ümumilikdə 526.134,27 manatlıq ehtimal olunan qiymətlə müxtəlif cihaz və qurğuların alınması planlaşdırılır.

Far.Az-in məlumatına görə, ilk müsabiqə məhlulvurma aparatının alınmasına aiddir.

Tikinti mexanizmləri kateqoriyasına aid olan bu cihaz 2800-4000 Vt gücə malik olacaq, maksimum təzyiqi 60 bar, məhsuldarlığı isə saatda 2.5-5 kubmetr arası nəzərdə tutulur. Bu tenderin ümumi dəyəri 59.767 manat təşkil edir.

İkinci tenderdə nasosların idarəetmə panelləri və ehtiyatın avtomatik qoşulması qurğularının alınması nəzərdə tutulur. Buraya müxtəlif gücdə (15-dən 400 kVt-a qədər) 6 ədəd avtomatik qoşulma qurğusu və 7 ədəd idarəetmə paneli daxildir. Bu layihənin ehtimal olunan dəyəri isə 278.481,77 manatdır.

Üçüncü müsabiqə isə metro stansiyalarında təhlükəsizliyin gücləndirilməsi məqsədilə 300 ədəd CCTV Bullet kameranın alınmasını əhatə edir. Bu kameralar müşahidə və aşkarlama avadanlıqları kateqoriyasına daxildir və ümumi qiyməti 187.885,50 manat olaraq göstərilir.

Bu satınalmalar metro xidmətinin təhlükəsizliyi və texniki təminatının yaxşılaşdırılması məqsədi daşıyır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev XII Qlobal Bakı Forumunun açılış mərasimində çıxış edib

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2