Qazaxıstan Prezidenti Kasım-Jomart Tokayev ölkəyə investorların, İT mütəxəssislərinin və ixtisaslı kadrların cəlb edilməsinə yönəlmiş miqrasiya siyasəti islahatı haqqında fərman imzalayıb.

"Far.Az"un "Zakon.kz"ə istinadən məlumatına görə, sənəd təşviq əsaslı miqrasiya modelinə keçidi və investorlar və mütəxəssislər üçün "Altın viza" ("Qızıl visa") tətbiqini nəzərdə tutur.

Viza sürətləndirilmiş şəkildə veriləcək və dövlət xidmətlərinə geniş çıxış imkanı, eləcə də bir sıra vergi güzəştləri təmin edəcək.

Fərman həmçinin miqrasiya prosedurlarının rəqəmsallaşdırılmasını, xarici diplomların tanınmasının sadələşdirilməsi, "bir pəncərə" xidmətlərinin yaradılmasını, Astana və Almatıda ingilisdilli xidmət zonalarının inkişaf etdirilməsini nəzərdə tutur.

Bunlardan əlavə biznes investorları, ixtisaslı mütəxəssislər və investisiya layihəsi iştirakçıları üçün yeni viza kateqoriyaları da tətbiq olunur.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

AIFC-nin idarəedici direktoru: “Azərbaycan "yaşıl maliyyələşmə" üzrə regional liderə çevrilə bilər” - MÜSAHİBƏ