Bu il 78-ci dəfə təşkil olunan Kann Film Festivalında diqqətçəkən bir dəyişiklik edilib. Festival rəhbərliyi qırmızı xalça mərasimlərində açıq-saçıq geyimlərə qadağa qoyub.

BAKU.WS xəbər verir ki, 24 mayadək davam edəcək beynəlxalq kino tədbiri zamanı, xüsusilə son illərdə top modellər və sosial media fenomenləri tərəfindən seçilən cəsur və diqqətçəkici geyimlərin film ulduzlarının önünə keçməsi festival rəhbərliyinin narahatlığına səbəb olub. Bu da Kannın kino mərkəzli tədbir xarakterini itirib, bir növ moda nümayişinə çevrilib.

Bu səbəbdən festival rəhbərliyi geyim qaydalarını sərtləşdirib. Yeni qərara əsasən, yalnız qırmızı xalçada deyil, festival çərçivəsində keçirilən digər tədbirlərdə də açıq geyimlərə icazə verilməyəcək. Qaydalara əməl etməyən qonaqların qırmızı xalçaya buraxılmayacağı bildirilib.

Yeni protokola görə, kişilər smokin və ya klassik kostyum, qadınlar isə uzun ətəkli ziyafət geyimləri, topuqlu və ya zərif düz ayaqqabılar və kokteyl donları geyinməlidirlər.

Festival rəhbərliyinin bu qərarla Kann Film Festivalının yenidən kinoya fokuslanan bir kimliyə qovuşmasını hədəflədiyi bildirilir.

Oxşar xəbərlər

"Oracle Advisory Group" parlament seçkilərində "exit poll"un nəticələrini açıqlayıb

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

Sosioloji Tədqiqatlar Mərkəzi növbədənkənar parlament seçkilərində “exit-poll”un nəticələrini açıqlayıb

Azərbaycanda məhsul və xidmətin qiymətini hansı qurum tənzimləyir?

Bu günün valyuta məzənnələri