Azərbaycan IsDB ilə dayanıqlı infrastrukturla bağlı layihələrin icrasını müzakirə edib
Azərbaycan və İslam İnkişaf Bankı (IsDB) Qrupu arasında işbirliyinin şaxələndirilməsi, dayanıqlı infrastrukturla bağlı layihələrin icrası və regionun inkişafına yönəlmiş təşəbbüsləri müzakirə edilib.
Far.Az xəbər verir ki, bununla bağlı müzakirələr iqtisadiyyat naziri Mikayıl Cabbarovun IsDB Qrupunun prezidenti Məhəmməd Süleyman Əl-Casirlə Əlcəzairdə Bankın İllik Toplantısı çərçivəsində keçirilən görüşdə aparılıb.
Görüşdə Azərbaycanın IsDB Qrupuna daxil olan institutlarla əməkdaşlığa önəm verdiyi vurğulanıb. Azərbaycanda həyata keçirilən islahatlar, özəl sektorun inkişafı, Bankla reallaşdırılan birgə fəaliyyətin uğurlu nəticələri qeyd olunub.
İllik Toplantı çərçivəsində IsDB Qrupunun Müdirlər Şurasının Dəyirmi Masada çıxış edən M.Cabbarov Azərbaycanda həyata keçirilən iqtisadi şaxələndirmə tədbirləri, ölkənin tranzit qovşağı kimi strateji mövqeyini vurğulayıb. Dəyirmi Masada üzv ölkələrin biznes mühitində proaktiv tənzimləmələr, regional ticarətin dayanıqlı inkişafı barədə fikir mübadiləsi aparılıb, birgə fəaliyyətin gücləndirilməsinin əhəmiyyəti qeyd olunub.
M.Cabbarovun iştirak etdiyi IsDB-nin Müdirlər Şurasının Plenar Sessiyasında Qrupa daxil olan qurumların illik toplantıları təşkil olunub, üzv ölkələr üçün 2026-2035-ci illəri əhatə edən dayanıqlı inkişaf planı barədə məlumat verilib. Plan səmərəli infrastruktur, insan kapitalının və özəl sektorun inkişafı, ərzaq və su təhlükəsizliyi, ticarət üzrə inteqrasiya kimi sahələri əhatə edir.
Nazir İllik Toplantı çərçivəsində Qvineya Respublikasının planlaşdırma və beynəlxalq əməkdaşlıq naziri İsmael Nabe ilə görüşdə Azərbaycanda əlverişli biznes və investisiya mühiti barədə məlumat verib. Vurğulanıb ki, makroiqtiadi sabitlik, həyata keçirilən davamlı iqtisadi islahatlar nəticəsində ölkəmizin qeyri-neft iqtisadiyyatı və ixracı artır. Tərəflər ölkələrin ticarət, investisiya, infrastruktur, enerji, təbii resurslardan səmərəli istifadə, bilik və təcrübə mübadiləsi sahələrində işbirliyi perspektivlərini dəyərləndiriblər.
Qalereya
Oxşar xəbərlər
Mikayıl Cabbarov İslam İnkişaf Bankı Qrupunun Müdirlər Şurasının sədri təyin olunub
Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Prezident İlham Əliyev XII Qlobal Bakı Forumunun açılış mərasimində çıxış edib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
"Bitcoin" və "Ethereum" kəskin ucuzlaşıb
-
ABŞ-də ölkə üzrə aviareyslərin dayanmasının detalları məlum olub
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
İstanbul hava limanında sərnişinin baqajından 12,8 kq narkotik aşkarlanıb
-
"SpaceX" ilk dəfə orbital uçuşdan sonra "Starship" gəmisini uğurla tutub
-
Ağstafada sursat partlayışı nəticəsində xəsarət alan şəxsin durumu açıqlanıb













