Alimlər müəyyən edib: D vitamini qocalmanı ləngidir
Far.Az xəbər saytı

Alimlər müəyyən edib: D vitamini qocalmanı ləngidir


Yeni araşdırma nəticəsində məlum olub ki, əlavə şəkildə qəbul edilən D vitamini hüceyrələrin qocalmasını ləngidə bilər. Alimlərin fikrincə, bu vitamin DNT-nin uc hissəsində yerləşən və yaşlandıqca qısalan telomerlərin itməsinin qarşısını alır.

BAKU.WS xəbər verir ki, söhbət ABŞ-də aparılan VITamin D and OmegA-3 TriaL (VITAL) adlı tədqiqatdan gedir. Layihədə 55 yaşdan yuxarı qadınlar və 50 yaşdan yuxarı kişilər olmaqla ümumilikdə 26 min nəfər iştirak edib. Onlar təsadüfi şəkildə D vitamini, balıq yağı, bu ikisinin kombinasiyası və ya plasebo qəbul edən qruplara bölünüb.

Harvard Universitetinin klinik və translasiya elmləri mərkəzinə yaxın yaşayan 1054 iştirakçı üzərində aparılan əlavə araşdırmada onların qan nümunələri 4 il ərzində 3 dəfə analiz edilib. Məqsəd telomerlərin vəziyyətini izləmək olub.

Telomerlər xromosomların uclarını örtən təkrarlanan DNT ardıcıllıqlarıdır. Onlar çox qısaldıqda hüceyrə bölünməsini dayandırır və ölür. Hüceyrələrin artan itkisi isə yaşlanmaya səbəb olur.

Araşdırmanın əvvəlində bütün qruplarda telomer uzunluğu təxminən eyni – 8700 baza cütü olub. D vitamini qəbul edənlərdə telomerlərin qısalması dörd il ərzində orta hesabla 140 baza cütü daha az olub. Maraqlıdır ki, balıq yağı qəbul edənlərdə bu baxımdan ciddi fərq müşahidə edilməyib.

Mütəxəssislər bildirirlər ki, D vitamininin hüceyrə səviyyəsində qocalma prosesini yavaşlatmaq qabiliyyəti var və bu, sağlam yaşlanma üçün mühüm faktor ola bilər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev XII Qlobal Bakı Forumunun açılış mərasimində çıxış edib
Azərbaycanda klinik protokol çatışmazlığı: Həkimlər və xəstələr üçün RİSKLƏR

Ən son xəbərləri bizim

"Facebook" səhifəmizdə izləyin

Digər xəbərlər