Yay fəslində temperaturun yüksəlməsi ilə bədən temperaturunu tarazda saxlamaq və istidən qorunmaq üçün geyim seçimi olduqca vacibdir. Mütəxəssislər isti havalarda həm sağlamlıq, həm də komfort baxımından düzgün geyinməyin vacibliyini vurğulayırlar.

BAKU.WS xəbər verir ki, yay aylarında tər ifrazı artır və bu da narahatlığa, həmçinin dəri problemlərinə səbəb ola bilər. Bu səbəbdən, geyim seçərkən bir neçə əsas məqama diqqət yetirmək tövsiyə olunur.

Yayda geyim seçərkən bunlara diqqət edin:

• Təbii parçalara üstünlük verin: Pambıq, kətan və viskoz kimi təbii və nəfəs alan parçalar bədəni sərin saxlayır və tərin dəridə qalmasının qarşısını alır.

• Açıq rəngli geyimlər geyinin: Tünd rənglər günəş şüalarını daha çox çəkdiyi üçün bədəni daha çox isidir. Açıq rənglər isə istiliyi əks etdirərək sərinlik təmin edir.

• Geniş və rahat kəsimli paltarlar seçin: Dar geyimlər bədəndə havalandırmanı azaldır və istini daha çox hiss etdirir. Geniş və rahat kəsimli geyimlər isə havanın dəridə dövran etməsinə imkan yaradır.

• Qısaqol və ya qolsuz geyimlər daha münasibdir: Bu cür geyimlər bədənin havalanmasını təmin edir və istiliyin yaratdığı diskomfortu azaldır.

• Papaq və gün eynəyi taxın: Günəşin təsirindən baş və gözləri qorumaq üçün bu aksesuarlar yay geyiminin ayrılmaz hissəsinə çevrilməlidir.

Dermatoloqlar qeyd edirlər ki, isti havalarda düzgün geyinməmək günvurma, dəri yanığı və allergik reaksiyalar kimi sağlamlıq problemlərinə səbəb ola bilər. Bu səbəbdən geyim seçərkən təkcə dəb yox, həm də sağlamlıq nəzərə alınmalıdır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib

Dəri geyimləri necə düzgün saxlamaq olar?