Azərbaycan Minifutbol Federasiyasının prezidenti Orxan Məmmədov milli komandanın Bakıda keçirilən dünya çempionatının qalibi olmasını şərh edib.

BAKU.WS "Report"a istinadən xəbər verir ki, qurum rəhbəri bununla bağlı mükafatlandırma mərasiminin ardından jurnalistlərə açıqlama verib.

O, yığmanın qazandığı tarixi nailiyyət barədə danışıb:

"Hisslərimizi sözlə ifadə etmək çətindir. Azərbaycan xalqına, Milli Gimnastika Arenasına toplaşan azarkeşlərə öz təşəkkürümüzü bildiririk. Onların dəstəyini hiss etməsəydik, belə bir uğur qazanmaq çətin olardı. Futbolçularımız dünya çempionatı boyunca səhvsiz irəlilədilər. Final qarşılşamasında da möhtəşəm çıxış edərək, bizə zəfər sevinci yaşatdılar".

O.Məmmədov qazanılan dünya çempionluğunda Azərbaycan Prezidenti İlham Əliyevin rolunun böyük olduğunu vurğulayıb:

"Prezident İlham Əliyevin dəstəyini də unutmamalıyıq. Onun bizə dəstəyi, xeyir-duası sayəsində qələbə qazana bildik. Bunun üçün ölkə başçısına dərin təşəkkürümüzü bildiririk. Daim dövlətin dəstəyini hiss edirik. Bundan sonra da gənc nəslin minifutbola cəlb olunması üçün əlimizdən gələni edəcəyik".

Qeyd edək ki, Azərbaycan yığması finalda Macarıstana 4:2 hesabı ilə qalib gələrək mundialın qalibi olub.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Orxan Məmmədov: "Bakıda keçiriləcək dünya çempionatı azarkeşlərimiz üçün əsl bayram deməkdir"

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycanın cüdo millilərinin məşqçi heyəti gücləndirilib

Bakıda keçiriləcək minifutbol üzrə dünya çempionatının püşkatma mərasiminin tarixi bəlli olub