Tayvanda kamera qarşısında kosmetik məhsulları yeyən bloqer ölüb.

"Guava Beauty" adı ilə tanınan 24 yaşlı qız müxtəlif kosmetik vasitələrin dadına baxdığı videolar çəkib.

O, xüsusilə dodaq boyası və ənlik kimi məhsulları kamera qarşısında yeyərək izləyicilərinin diqqətini cəlb etməyə çalışıb. Bir müddət sonra gənc bloqerin profilində onun qəfil öldüyünü bildirən paylaşımlar edilib.

Maraqlıdır, doğrudan bloqerin ölümünə kosmetik vasitələri yeməsi səbəb olub?

Bununla bağlı mütəxəssislərin fikirləri müxtəlifdir.

Qida mütəxəssisi Məhsəti Hüseynovanın sözlərinə görə, kosmetik vasitələrin yeyilməsi insan sağlamlığına ciddi zərər vura bilər:

"Bu məhsullarda istifadə olunan kimyəvi maddələr qaraciyər və böyrəklərin fəaliyyətini poza, digər daxili orqanlara zərər verə bilər. Eyni zamanda, kosmetik vasitələrin tərkibindəki kimyəvi maddələr hormonal balansın pozulması ilə yanaşı, ciddi allergik reaksiyalara səbəb ola bilər".

Kliniki Tibbi Mərkəzin Toksikologiya şöbəsinin müdiri Azər Maqsudov isə bildirib ki, sözügedən boyalar və kosmetik məhsullar toksiki funksiyaya malik deyil:

"Onlar zəhərlənməyə səbəb olmurlar. Bizə müraciət edən azyaşlı uşaqlar belə məhsulları təsadüfən istifadə etdikdə xüsusi tibbi müdaxiləyə ehtiyac olmur".

Mütəxəssislərin fikrincə, sosial mediada izlənmə və məşhurluq uğruna edilən riskli hərəkətlər gənclər üçün ölümcül nəticələrə səbəb ola bilər. Bu kimi videoların platformalardan silinməsi və maarifləndirici tədbirlərin həyata keçirilməsi zəruridir.

Ətraflı Baku TV-nin süjetində:

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Dodaq boyaları və konsiler — mükəmməl obrazlar yaratmaq üçün əsas vasitələr

Canlı yayımda kosmetika yeyən qız ÖLDÜ

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4