"Dünya çempionu olmaq sözlə ifadə olunmaz hisslərdir".

Far.Az xəbər verir ki, bunu Oxu.Az-a açıqlamasında minifutbol üzrə Azərbaycan millisinin futbolçusu Təmkin Xəlilzadə deyib.

"Ölkəmizdə keçirilən dünya çempionatında qalib gəlmək həqiqətən də qürurverici hissdir. Professional futbolçu keçmişim olduğundan azarkeşlərin mənə olan inamı daha çox idi və bu məndə əlavə məsuliyyət yaradırdı. Bir dəfə dünya çempionu olduq deyə dayanmaq yoxdur. Bundan sonra titulumuzu qorumağa, üçqat-dördqat dünya çempionu, Avropa çempionu olmağı arzulayırıq və bunun üçün çalışacağıq. Hazırda dincəlib çempionluğun və bu anın dadını çıxaracağıq. Təxminən bir ay sonra məşqlərə başlayacağıq", -deyə T.Xəlilzadə bildirib.

Xatırladaq ki, Elşad Quliyevin rəhbərlik etdiyi Azərbaycan millisi minifutbol üzrə dünya çempionatının final matçında Macarıstan yığmasını məğlub edib. İyunun 1-də Milli Gimnastika Arenasında keçirilən qarşılaşma yığmanın 4:2 hesablı qələbəsi ilə yekunlaşıb.

Oxşar xəbərlər

İlham Əliyev minifutbol üzrə dünya çempionatının qalibi olan Azərbaycan milli komandasının üzvlərini qəbul edi

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan millisinin üzvü: "Avropa Minifutbol Federasiyası tərəfindən ilin müdafiəçisi seçilmək inanılmaz hissdir"

Təmkin Xəlilzadə: "Tanrıya şükürlər olsun ki, qələbə qazandıq"

Azərbaycanın minifutbol millisi Bakıda keçirilən dünya çempionatının qalibi olub