İsrailin Hayfa şəhərində polis İrandan gözlənilən yeni raket hücumunu lentə almağı planlaşdıran bir qrup operatoru saxlayıb.

BAKU.WS "Report"a istinadən xəbər verir ki, bu barədə İsrail polisinin Mətbuat xidməti məlumat yayıb.

Məlumata görə, hüquq-mühafizə orqanlarına bir neçə nəfərin yerli mehmanxananın otağının eyvanına toplaşaraq Hayfanın atəşə tutulması ərəfəsində kameralar quraşdırdığı barədə siqnal daxil olub. Onlar obyektivlərini əvvəllər İranın zərbələrə məruz qoyduğu Hayfa dəniz limanına yönəldiblər.

Hadisə yerinə gələn polis həmin şəxsləri dindirilmək üçün saxlayıb və avadanlıqlarını müsadirə edib.

Açıqlamada qeyd olunub ki, tədbirlər İranın davamlı zərbələri kontekstində Müdafiə Nazirliyi və İsrail Polisinin Baş Müfəttişinin göstərişlərinə uyğun olaraq həyata keçirilib.

Bu işlə bağlı məlumatlar araşdırma üçün Baş Təhlükəsizlik Xidmətinə verilib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Zərərçəkmiş Laçın sakini: İşğala qədər bizim kənd mütəmadi olaraq Ermənistan tərəfindən atəşə tutulurdu