Türkiyə və Rusiya üçüncü ölkələrdə birgə neft layihələri ilə bağlı razılığa gəlib
Far.Az xəbər saytı

Türkiyə və Rusiya üçüncü ölkələrdə birgə neft layihələri ilə bağlı razılığa gəlib


Rusiya və Türkiyə neft sektorunda birgə layihələrin təşviq edilməsi ilə bağlı razılığa gəlib.

BAKU.WS report-a istinadən xəbər verir ki, bu barədə cümə günü Moskvada keçirilən Rusiya-Türkiyə Hökumətlərarası Komissiyasının iclasının protokolunda deyilir.

"Tərəflər neft sahəsində fəaliyyət göstərən şirkətlərin layihələrini və əməkdaşlıq imkanlarını, o cümlədən üçüncü ölkələrdə birgə layihələri dəstəkləməyə hazır olduqlarını bəyan ediblər. Hər iki ölkədə ticarət və investisiyaların genişləndirilməsi üçün şəraitin yaxşılaşdırılmasının vacibliyi qeyd edilib", - sənəddə bildirilir.

Protokolda həmçinin Rusiyanın Türkiyəyə neft tədarükünün sabit qaldığı vurğulanır.

Sənəddə qeyd olunur ki, Rusiya və Türkiyə qarşılıqlı faydalı şərtlərlə qaz tədarükü və ixracı haqqında müqavilələrin uzadılmasında maraqlıdır. "Tərəflər "Botaş" və "Qazprom eksport" şirkətləri arasında təbii qazın tədarükü və ixracı haqqında müqavilələrin hər iki şirkət üçün qarşılıqlı faydalı şərtlərlə uzadılmasında maraqlı olduqlarını vurğulayıblar", - sənəddə deyilir.

Bundan başqa, yekun protokola əsasən, Türkiyə və Rusiyanın ticarət, investisiya və regional əməkdaşlıq üzrə işçi qrupunun 6-cı iclası 2026-cı ildə Rusiyada keçiriləcək.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2
30 illiyini qeyd edən Azərbaycan enerjisinin ötən ilinə baxış
Bu gün Sabit Rəhmanın doğum günüdür

Ən son xəbərləri bizim

"Facebook" səhifəmizdə izləyin

Digər xəbərlər