Cəmi bir günə yuxusuzluqdan qurtaran pəhriz
Far.Az xəbər saytı

Cəmi bir günə yuxusuzluqdan qurtaran pəhriz


Amerikalı tədqiqatçılar müəyyən ediblər ki, cəmi bir gün sağlam qidalanma yuxunun keyfiyyətini əhəmiyyətli dərəcədə yaxşılaşdıra bilər.

Yeni araşdırmaya əsasən, gündə ən azı beş porsiya meyvə və tərəvəz yeyən insanlar daha tez yuxuya gedir və gecə daha az oyanırlar.

Eksperimentdə orta yaşı 28 olan 34 sağlam insan iştirak edib. Onlar bir neçə gün ərzində xüsusi tətbiq vasitəsilə gündəlik qidalanmalarını qeyd ediblər, yuxuları isə treker cihazları ilə izlənilib.

Alimlər yuxunun parçalanmasını – gecə oyanmalarının və yuxu fazaları arasında keçidlərin tezliyini qiymətləndiriblər.

Məlum olub ki, gündə beş və ya daha çox porsiya meyvə-tərəvəz yeyənlərin yuxusunun keyfiyyəti 16% yaxşılaşıb. Bütöv taxıl məhsulları da daha dərin yuxuya səbəb olub, qırmızı və emal olunmuş ətlər isə əksinə, yuxunu pisləşdirib.

Alimlər bu təsiri bağırsaq mikrobiomuna təsir edən liflərlə əlaqələndirirlər. Bitki lifləri ilə qidalanan faydalı bakteriyalar yuxunu tənzimləyən serotonin və melatonin hormonlarının ifrazını stimullaşdırır.

"Bu qədər ciddi dəyişikliklərin cəmi 24 saatdan az müddətdə müşahidə olunması heyrətamizdir", – deyə Çikaqo Universitetinin yuxu tibbi üzrə eksperti və tədqiqatın həmmüəllifi doktor Esra Tasali bildirib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
Prezident İlham Əliyev XII Qlobal Bakı Forumunun açılış mərasimində çıxış edib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Ən son xəbərləri bizim

"Facebook" səhifəmizdə izləyin

Digər xəbərlər