2024-cü ildə İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) gəlirləri ilə xərcləri eyni olub. Halbuki, agentlik 2023-cü ildən 562 min manat mənfəətlə çıxmışdı.

Far.Az report-a istinadən xəbər verir ki, ötən il KOBİA-nın gəlirləri 20,365 milyon manat (əvvəlki ilə nisbətən 19,2% az) təşkil edib. Hesabat dövründə Agentliyin xərcləri də 20,365 milyon manat (illik müqayisədə 17,4 % az), o cümlədən istifadə etdiyi materialların dəyəri 682 min manat (40,2 % az), işçi heyəti üzrə xərcləri 13,735 milyon manat (14,4 % çox), amortizasiya xərcləri 959 min manat (5,7 % çox), digər əməliyyat xərcləri 4,986 milyon manat (53 % az), sair əməliyyat xərcləri isə 2 manat (5,3 % çox) təşkil edib.

Bu il yanvarın 1-nə KOBİA-nın aktivləri 45,461 milyon manat təşkil edib ki, bu da 1 il əvvələ nisbətən 2,5 % çoxdur. Hesabat dövründə Agentliyin öhdəliklər 9,4 % azalaraq 12,16 milyon manata düşüb. Balans kapitalı isə 7,7% artaraq 33,301 milyon manata çatıb.

Xatırladaq ki, KOBİA ölkə prezidentinin 28 dekabr 2017-ci il tarixli fərmanı ilə yaradılıb, dövlət başçısının 26 iyun 2018-ci il tarixli fərmanı ilə Agentliyin nizamnaməsi və strukturu təsdiq edilib. Onun nizamnamə kapitalı 10,126 milyon manatdır. Qurum ölkədə kiçik və orta biznesin (KOB) inkişafını dəstəkləyən, KOB subyektlərinə bir sıra xidmətlər göstərən, dövlət orqanlarının bu sahədə xidmətlərinin əlaqələndirilməsini və tənzimlənməsini həyata keçirən publik hüquqi şəxsdir.

Oxşar xəbərlər

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Prezident İlham Əliyev Əfv Sərəncamı imzalayıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4