2011-ci ildən bəri toxunulmayan 80 mindən çox bitkoinin sahibi bu yaxınlarda kriptovalyutanı "Galaxy Digital" şirkətinə məxsus pul kisələrinə köçürməyə başlayıb.

Analitik platforma "Lookonchai"nin məlumatına görə, artıq 40 009 bitkoin (təxminən 4,68 milyard dollar) göndərilib.

Analitiklərin fikrincə, bu köçürmələr 4 iyulda hərəkətsiz qalan 80 min bitkoinin yeni ünvanlara ötürülməsi ilə eyni pul kisəsindən həyata keçirilir. Hazırda həmin vəsaitin bir hissəsi birjalara yönəlib – təxminən 6 min bitkoin (706 milyon dollar) artıq "Grayscaledən Bybit" və "Binance" birjalarına göndərilib.

Bildirilir ki, 14 il əvvəl bu bitkoinlər alındıqda onların məzənnəsi təxminən 0,78 dollar olub. Bitkoinin qiyməti 122 min dolları keçməklə bu müddət ərzində 150 min dəfədən çox artım göstərib.

"Binance" platformasının məlumatına əsasən, 14 iyulda bitkoinin məzənnəsi 121 min dolları keçərək yeni tarixi maksimuma çatıb. Günün səhəri bitkoin 121 014,73 dollar səviyyəsində olub ki, bu da +2,82% artım deməkdir. Əvvəlki tarixi maksimum 13 iyul axşamı qeydə alınmışdı - 119 min dollar.

Xatırladaq ki, bundan əvvəl Rusiyada bitkoinin rekord artımının əsas səbəbləri açıqlanmışdı.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

"ABZASMEDiA"nın GÖRÜNMƏYƏN ÜZÜ: yarımmilyonluq qrant, qaçaq pullar, məxfi hesablar və s...

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Qlobal maliyyə sistemində yeni dövrün başlanğıcı