İran və Rusiya Hərbi Dəniz Qüvvələri Xəzər dənizində genişmiqyaslı birgə təlimlərə hazırlaşır. CASAREX-2025 adı altında keçiriləcək bu manevrlər iyulun 21-dən start götürəcək və üç gün davam edəcək.

BAKU.WS İranın "Tasnim" xəbər agentliyinə istinadən xəbər verir ki, sözügedən təlimlər İran Hərbi Dəniz Qüvvələrinin təşəbbüsü ilə təşkil olunur.

Təlimlərdə İran İslam İnqilabı Keşikçiləri Korpusunun (SEPAH) bölmələri, Rusiya Federasiyasının Hərbi Dəniz Qüvvələri, eləcə də Xəzəryanı ölkələrdən dəvət olunmuş müşahidəçilər iştirak edəcək.

Məqsəd Xəzər dənizində dəniz təhlükəsizliyini gücləndirmək, fövqəladə hallarda birgə reaksiya imkanlarını artırmaq və region ölkələri arasında hərbi əməkdaşlığı dərinləşdirməkdir. CASAREX-2025 çərçivəsində birgə axtarış-xilasetmə əməliyyatları, koordinasiyalı hərəkətlərin məşqi və qarşılıqlı informasiya mübadiləsi kimi fəaliyyətlər həyata keçiriləcək.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Üçüncü Xəzər İqtisadi Forumunda iştirak edib

FHN-in Beynəlxalq Axtarış-Xilasetmə Dəstəsi taktiki-xüsusi təlim keçirib