UEFA Konfrans Liqasının II təsnifat mərhələsində "Hayduk"la (Xorvatiya) qarşılaşan "Zirə" məğlub olaraq mübarizəni dayandırıb.

Far.Az xəbər verir ki, Split şəhərindəki "Polyud" stadionunda keçirilən qarşılaşmada ev sahibləri 2:1 hesablı qələbə qazanıblar.

Görüşdə hesabı ev sahibləri açıb. Filip Krovinoviç 19-cu dəqiqədə fərqlənib. Qarşılaşmanın 90+3-cü dəqiqəsində adını tabloya yazdıran İssa Cibrilla hesabı bərabərləşdirib - 1:1.

Görüşün əsas vaxtı bu hesabla başa çatıb və matçda hərəsi 15 dəqiqədən ibarət iki hissə oynanılıb.

"Hayduk"un heyətində 93-cü dəqiqədə diqqət mərkəzinə düşən Yassin Benrahu komandasının qələbəsində pay shaibi olub.

***23:51

"Zirə" Xorvatiyada "Hayduk"a qarşı keçirdiyi UEFA Konfrans Liqasının II təsnifat mərhələsinin cavab oyununda fasiləyə geridə yollanıb.

Far.Az xəbər verir ki, hazırda meydan sahibləri 1:0 hesabı ilə öndədir.

Filip Krovinoviç 19-cu dəqiqədə fərqlənib.

***23:03

UEFA Konfrans Liqasının II təsnifat mərhələsinin cavab matçları çərçivəsində "Hayduk" (Xorvatiya) - "Zirə" görüşü start götürüb.

Far.Az xəbər verir ki, qarşılaşma Split şəhərindəki "Polyud" stadionunda keçirilir.

Görüşü italiyalı referi Luka Payretto idarə edir. Tərəflər arasında Bakıda baş tutan ilk matçda heç-heçə qeydə alınıb - 1:1.

Oxşar xəbərlər

UEFA Avropa Liqası: "Qarabağ" "Tottenhem"ə məğlub olub - YENİLƏNİB-8

"Qarabağ" UEFA Çempionlar Liqasında mübarizəni dayandırıb - YENİLƏNİB - 5

Avropa Liqası: “Qarabağ” FCSB klubuna məğlub olaraq pley-off şansını itirib - YENİLƏNİB-7

UEFA Avropa Liqası: "Qarabağ" ilk qələbəsini qazanıb - YENİLƏNİB - 6

UEFA Avropa Liqası: "Qarabağ" İsveç klubuna məğlub olub - YENİLƏNİB - 6