Rusiyanın Mahaçqala şəhərində sambo üzrə dünya çempionu, qaydasız döyüş yarışlarının iştirakçısı Vəlimurad Alxasov üzərində gəzdirdiyi travmatik tapançadan hələlik adı istintaqa məlum olmayan şəxsə atəş açıb.

Far.Az Oxu.Az-a istinadən xəbər verir ki, hadisəni Dağıstan Daxili İşlər Nazirliyinin mətbuat xidmətinin rəhbəri Qayana Qariyeva da təsdiqləyib.

O bildirib ki, insident Mahaçqala şəhərinin "Etaji" ticarət mərkəzinin yaxınlığında baş verib.

Belə ki, Alxasov niqabda olan həyat yoldaşı ilə küçədə gəzərkən ətrafdakı şəxslərdən birinin onun arvadına baxması idmançını özündən çıxarıb. Əvvəl sözlə başlayan mübahisə getdikcə daha gərgin xarakter alıb və idmançı üzərində gəzdirdiyi travmatik tapançanı mübahisə etdiyi şəxsə tuşlayıb. Nəticədə bir neçə atəş açılıb.

Xoşbəxtlikdən, münaqişə iştirakçılarından və ətrafdakılardan heç biri xəsarət almayıb. Hadisədən sonra idmançı həyat yoldaşını da götürərək hadisə yerindən uzaqlaşmağa çalışıb. Lakin hüquq-mühafizə orqanları əməkdaşları Vəlimurad Alxasovu saxlayıblar. İdmançını Rusiya Federasiyası Cinayət Məcəlləsinin 213-cü maddəsi (xuliqanlıq) ilə cinayət təqibi gözləyir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev XII Qlobal Bakı Forumunun açılış mərasimində çıxış edib

Kürdəmirdə dəhşətli qətl: Biznesmen küçədə öldürüldü, oğlu isə... – TƏFƏRRÜAT

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib