Bakının Nizami rayonunda kirayə yaşadıqları mənzildə Aynur Həsənova (soyadı şərtidir) ərini qısqanclıq və ailə mübahisəsi zəminində bıçaqla vurub.

BAKU.WS-in məlumatına görə, hadisə zamanı Sakit sərxoş və yatmış vəziyyətdə olduğundan köməksiz olub.

Aynur ona döş qəfəsi, qarın, boyun və ayaq nahiyyələrindən cəmi 9 bıçaq zərbəsi vurub.

Zərərçəkmiş aldığı ağır xəsarətlərə baxmayaraq, özü təcili tibbi yardım çağıraraq xəstəxanaya çatdırılıb və həyatı xilas edilib.

Məhkəmədə Aynur özünü qismən təqsirli bilməyərək, ərini öldürmək niyyətinin olmadığını iddia etsə də, ilkin ifadəsində və mobil telefon mesajlarında qəsdən öldürmə niyyətini etiraf edib. Şahidlər, o cümlədən Aynurun anası və qardaşı, ailədə tez-tez mübahisələrin olduğunu, Sakitin içki aludəçisi olduğunu və Aynurun dəfələrlə boşanmaq istədiyini təsdiqləyiblər.

Hadisə yerinə baxış, məhkəmə-tibbi ekspertiza və mobil telefon yazışmaları kimi sübutlar Aynurun qəsdən öldürməyə cəhd etdiyini sübuta yetirib.

Bakı Ağır Cinayətlər Məhkəməsi Aynur Həsənvbanın iki azyaşlı övladının olmasını və zərərçəkmişlə barışıq əldə etməsini cəzanı yüngülləşdirən hallar kimi qiymətləndirib. O, 11 il 3 ay müddətinə azadlıqdan məhrum edilib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda 27 yaşlı qadın ərini başqa xanımla yazışanda tutdu: Doqquz bıçaq zərbəsi endirdi

Məcburi köçkün düşən, yaralanan, girovluqda işgəncələrə məruz qalmış şəxslər məhkəmədə ifadə veriblər

MAXE-dən dəhşətli hərəkət: dörd qadını yatağa saldı, pullarını aldı, onları videoya çəkdi – TƏFƏRRÜAT

Azərbaycan ərazilərinin işğal edilməsi nəticəsində zərər çəkmiş şəxslər məhkəmədə ifadə veriblər