Azərbaycan Dövlət Neft Şirkəti (SOCAR) və "Uzbekneftegaz" şirkəti arasında əməkdaşlıq çərçivəsində neft-qaz sənayesinin müxtəlif sahələrini əhatə edən təcrübə mübadiləsi proqramları həyata keçirilir.

BAKU.WS SOCAR-a istinadən xəbər verir ki, layihə çərçivəsində sentyabrın 8–12-də "Uzbekneftegaz" şirkətinin əməkdaşları üçün "İnsan resurslarının idarə edilməsi" sahəsində təcrübə proqramı həyata keçirilib.

Proqram iştirakçılarının SOCAR-ın vitse-prezidenti Ziba Mustafayeva ilə görüşündə təcrübə mübadiləsinin əhəmiyyəti, tərəfdaşlıq imkanları və əməkdaşlıq perspektivləri müzakirə olunub. İştirakçılar, həmçinin SOCAR-ın Bakı Ali Neft Məktəbində və Təlim, Tədris və Sertifikatlaşdırma İdarəsində olublar.

Qeyd edək ki, cari il avqustun 25–29-da "Uzbekneftegaz" şirkətinin əməkdaşları üçün "Geoloji-kəşfiyyat işlərinin aparılmasının müasir üsulları və karbohidrogen ehtiyatlarının hasilatının artırılması" istiqamətində də təcrübə proqramı təşkil olunub.

Proqram qarşıdakı mərhələlərdə "Neft-qaz biznesində risklərin idarə edilməsi", eləcə də "Neft-qaz kompleksində innovasiya fəaliyyətinin idarə olunması" mövzuları üzrə davam etdiriləcək.

Qalereya

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

30 illiyini qeyd edən Azərbaycan enerjisinin ötən ilinə baxış

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Bakıda COP29-un Liderlər Sammitinin açılış mərasimi keçirilib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2