Azərbaycanın yeni iqlim planları var.

Far.Az xəbər verir ki, bunu COP29-un Prezidenti Muxtar Babayev Bakı İqlim Fəaliyyəti Həftəsinin (BCAW2025) ikinci günündə çıxışı zamanı deyib.

Onun sözlərinə görə, bu planların əsas hədəfi iqlim dəyişikliyinə qarşı mübarizədir.

M.Babayev Bakıda keçirilmiş COP29-da yaşıl iqtisadiyyata keçidin də geniş müzakirə edildiyini xatırladıb:

"Energetika təhlükəsizliyi və onun ixracı müzakirə edildi. Enerji tranzitinin növbəti mərhələsini, təmiz energetika məsələsini də nəzərdən keçirmişik. COP29-da təmiz hidrogenin tənzimlənməsi 60 ölkə arasında müzakirə edilib".

COP29 prezidenti əlavə edib ki, Azərbaycan energetika sisteminin çevik olmasına çalışır:

"Bərpaolunan energetikaya keçidi təmin etmək üçün müzakirələr davam etdirilir. Bu gün biz iqlim dəyişikliyinə qarşı mübarizə aparırıq. Bu sahədə müəyyən kritik siqnalların olduğunu nəzərə alsaq, özəl sektorun da bu prosesə qoşulması lazımdır. Azərbaycan yaşıl energetika sahəsinə sərmayələr qoyur. Bu istiqamətdə hədəfləri və milli prioritetləri müəyyən edirik".

Oxşar xəbərlər

Bakıda COP29-un Liderlər Sammitinin açılış mərasimi keçirilib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib