Cənubi Koreyanın Müdafiə Nazirliyi Şimali Koreyadan gələn təhdidlərə qarşı mübarizə aparmaq üçün ölkə daxilində inteqrasiya edilmiş əks-dron sistemi yerləşdirir.

“Far.Az”un məlumatına görə, bu barədə “Yonhap” agentliyi xəbər verib.

“Şimali Koreyanın kiçik pilotsuz uçuş aparatlarının yaratdığı təhdidlərə cavab vermək üçün böyük, həssas yerlərdə inteqrasiya edilmiş əks-dron sistemi yerləşdirilir”, - agentlik Cənubi Koreya Müdafiə Nazirliyinin sözçüsündən sitat gətirib.

Qeyd edilir ki, sistem müxtəlif avadanlıqlardan, o cümlədən radardan və pilotsuz uçuş aparatların siqnallarını söndürən vasitələrdən ibarətdir. Bu, ona dronları aşkarlamağa, izləməyə və məhv etməyə imkan verir.

İlkin olaraq 20-yə yaxın sistemin yerləşdirilməsi planlaşdırılır.

2022-ci ilin dekabrında Şimali Koreyanın 5 pilotsuz uçuş aparatı sərhədi keçin, onlardan biri Seula çatıb. Cənubi Koreya ordusu bu dronların heç birini tuta bilməyib.

Oxşar xəbərlər

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Cənubi Koreya və ABŞ birgə hərbi təlimlərə başlayır

Cənubi Koreya və ABŞ Şimali Koreyanın təhdidlərinə qarşı müzakirələr aparacaq

Azərbaycanda keçiriləcək COP29 - iqlim dəyişmələrinin qarşısıalınmaz fəsadları ilə mübarizədə yeni mərhələ - RƏY