Baku TV-nin "Kəndinə qayıt" verilişinin yeni buraxılışı yayımlanıb.

Verilişin budəfəki buraxılışında Quba rayonunun ən qədim və ən hündür kəndlərindən birinə - Qrıza səyahət edilib. Qrız kəndi rayonun şimal-qərb hissəsində, Şahdağ silsiləsinin ətəklərində, dəniz səviyyəsindən 2000-2050 metr yüksəklikdə yerləşir.

Coğrafi mövqeyinə görə kənd sərt dağlıq ərazidə yerləşdiyi üçün burada hava sərin və rütubətli olur. Verilişdə qeyd olunub ki, kəndin əsas problemi yol infrastrukturunun zəifliyidir. Qış aylarında qarın qalınlığı bir neçə metrə çatır, yollar aylarla bağlanır, kənd isə tam təcrid vəziyyətinə düşür. Tarixi IX-X əsrlərə qədər uzanan bu qədim kənddə əhalinin sayı getdikcə azalır. Xüsusilə gənclər təhsil və iş dalınca şəhərlərə üz tuturlar. Hazırda Qrızda 30-40 evdə təxminən 390 nəfər yaşayır.

Proqramda həmçinin kənddə yerləşən Əbu Müslüm məscidi barədə danışılıb. Bildirilib ki, Quba rayonunun dağ kəndlərində - Qrız, Cek və Xınalıqda eyni adlı məscidlər inşa olunub. Qrızdakı məscid isə zamanla baxımsızlıq və təbii təsirlər nəticəsində qismən dağılaraq istifadəyə yararsız vəziyyətə düşüb.

Daha ətraflı videomaterialda:

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İki ordu arasında qalan Ukraynanın xaraba kəndlərindən - FOTOREPORTAJ

Gələcəyə ümidlə baxan uşaqların sağlamlıq arzusu burada gerçəkləşə bilər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib