"Ölkəmizə gələn sənətçilər əsasən Fransa, Böyük Britaniya, Çin, Yaponiya, Gürcüstan, Özbəkistan, İsveçrə və digər ölkələrdən olacaqlar. Burada təbii ki, Azərbaycan musiqiçiləri və Azərbaycan izi də olacaq".

BAKU.WS xəbər verir ki, bu sözləri jurnalistlərə açıqlamasında musiqişünas Nigar Axundova deyib.

O bildirib ki, Heydər Əliyev Fondu tərəfindən geniş proqram həyata keçirilir. Həm Azərbaycan mədəniyyəti dünyada təbliğ edilir, həm də xarici ölkələrdən olan məşhurlar Azərbaycana gətirilir. Nəticədə isə bu fəaliyyət konkret formaya çevrilərək Bakı Beynəlxalq İncəsənət Festivalı kimi festivalın keçirilməsinə yaranmasına səbəb olur:

"Festivalın yaranma ideyasına gəldikdə isə, bu həmişə gündəmdə idi. Həmişə belə bir ideyamız var idi. Çünki Heydər Əliyev Fondu tərəfindən geniş proqram həyata keçirilir. Həm Azərbaycan mədəniyyətini bütün dünyada təbliğ edirik. Digər tərəfdən isə Fondun başqa bir istiqaməti xarici ölkələrdən önəmli məşhur mədəniyyət işçilərini, rejisssorları, bəstəkarları, ifaçıları Azərbaycana gətirməkdir. Bu artıq iki istiqamətli fəaliyyətdir. Buna görə də nəhayət ki, bu fəaliyyət konkret formaya çevrildi. Ermənistandan festivala qatılan olmayacaq. Bizim niyyətimiz həmişə qonşularımız olan Gürcüstan, Rusiya, İranla yaxşı münasibət qurmaq olub. İndi ola bilər ki, İrandan sənətçi gəlsin".

Qeyd edək ki, Bakı Beynəlxalq İncəsənət Festivalı 31 oktyabr- 16 noyabr 2025-ci il tarixində Heydər Əliyev Fondu və Azərbaycan Respublikası Mədəniyyət Nazirliyinin dəstəyi ilə keçiriləcək.

Oxşar xəbərlər

Xətai rayonunda Heydər Əliyev Fondu tərəfindən yeni məktəb binası istifadəyə verilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Kəlbəcərdə Bal Festivalı keçirilir

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4