"Hazırda ölkədə orqanizm funksiyalarının 61-80% (II dərəcə əlillik) və 81-100% (I dərəcə əlillik) pozulmasına görə əlilliyi olanlar əsasən 60 yaşdan yuxarı əhali qrupudur".

Bunu BAKU.WS-in sorğusuna cavan olaraq Dövlət Tibbi-Sosial Ekspertiza və Reabilitasiya agentliliyin İctimaiyyətlə əlaqələr və daxili kommunikasiya şöbəsinin müdiri Tural Qurbanov deyib.

O, bildirib ki, 31-60% (III dərəcə əlillik) orqanizm funksiyasının pozulmasına görə isə əsasən 30-40 yaş arası əlilliyi olan şəxslər çoxluq təşkil edir.

Agentlik rəsmisinin sözlərinə görə, əlilliyi olan şəxslərin sağlamlığının bərpası istiqamətində qurum tərəfindən mütəmadi olaraq işlər görülür:

"Təbii ki, proses əlillik təyinatı ilə məhdudlaşmır, əlilliyi olan şəxslərin sağlamlığının bərpası və onların cəmiyyətə inteqrasiyası istiqamətində Dövlət Tibbi-Sosial Ekspertiza və Reabilitasiya Agentliyi tərəfindən ardıcıl və sistemli işlər görülməkdədir. Reabilitasiya sahəsində aparılan islahatlar, yaradılan müasir reabilitasiya infrastrukturu, ardıcıl və sistemli bərpa xidmətləri təbii ki, mütəmadi olaraq öz nəticələrini verir. Həyata keçirilən ardıcıl reabilitasiya tədbirləri, peşəkar həkim komandasının səyləri, müasir və effektiv üsulların tətbiqi sayəsində əlilliyi olan şəxslər arasında əvvəlki sağlamlıqlarına qovuşaraq əlilliklərini geridə qoyanlar var".

Oxşar xəbərlər

Bakıda insanlara qurulan "ölüm tələsi" - Vətəndaşları kimlər narazı salır?

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Ət əvəzinə hamı balıq alır - Bazarda SON QİYMƏTLƏR

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2