Almaniya hökuməti qısamüddətli perspektivdə müasir pilotsuz uçuş aparatlarına (PUA) qarşı müdafiəyə 100 milyon avro investisiya ayıracaq.

BAKU.WS "Report"a istinadən xəbər verir ki, bu barədə "Bild am Sonntag" qəzeti yazıb.

Nəşrin məlumatına əsasən, Bundestaqın (Almaniya parlamenti) büdcə komitəsi PUA-lara qarşı mübarizə planının maliyyələşdirilməsini təsdiqləyib. Almaniyanın daxili işlər naziri Aleksander Dobrindt bu məqsəd üçün konsepsiyanı Federal Polislə birgə hazırlayıb. Məqsəd pilotsuz uçuş aparatlarını aşkarlamaq, ələ keçirmək və məhv etməkdən ibarətdir.

PUA-lardan müdafiə üzrə yeni bölmə (130 əlavə polis əməkdaşı) dekabrda fəaliyyətə başlayacaq. Onların paytaxt ətrafında, iri hava limanlarında və təhlükəsizlik baxımından mühüm əhəmiyyət daşıyan digər obyektlərdə yerləşdirilməsi planlaşdırılır. Bu qüvvələri helikopterlərin köməyi ilə ölkə üzrə sürətlə yerləşdirmək mümkün olacaq.

Hakimiyyət digər avadanlıqlarla yanaşı, siqnalboğucu cihazlar və PUA-ları ələ keçirən dronların alınmasını nəzərdə tutur. Plan, həmçinin hüquqi səlahiyyətlərin genişləndirilməsini də əhatə edir.

Oxşar xəbərlər

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Bakıda balıq yarmarkası fəaliyyətə başladı

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2