İtaliyanın turizm mərkəzlərindən olan Florensiyada şəhər mərkəzindəki sıxlıq və görüntü kirliliyi ilə bağlı şikayətlər artdığı üçün 50 küçədə açıq hava yemək sahələrinin qadağan olunması nəzərdə tutulur.

BAKU.WS xarici mediaya istinadən xəbər verir ki, UNESCO-nun qoruduğu tarixi məkanda kafe və restoranların çöl masaları gələn ildən etibarən məhdudlaşdırılacaq.

Qadağa Ponte Vecchio, Uffizi qalereyası və digər turistik zonaları da əhatə edəcək. Bundan əlavə, 70-dən çox ərazidə çöl masaları, çətirlər və şəffaf küləkdən qoruyan konstruksiyalarla bağlı daha sərt qaydalar tətbiq ediləcək.

Restoran sahibləri bu qərarın satışları azalda biləcəyini deyir, yerli sakinlər isə dar küçələrdə masa və stulların hərəkətə mane olduğunu bildirirlər. Mütəxəssislər arasında da fikir ayrılığı yaranıb: bəziləri tədbirlərin kifayət etmədiyini, digərləri isə bunun şəhərin kulinariya ənənələrinə zərbə vuracağını düşünür.

Bələdiyyə tarixi mərkəzin estetik görünüşünü qorumaq üçün aktiv şəkildə yeni qaydalar üzərində çalışır.

Oxşar xəbərlər

Ucuz qiymətə qızıl almaq istəyənləri SEVİNDİRƏCƏK XƏBƏR

Torpaq sahələri ucuz qiymətə satışa çıxarıldı - MƏBLƏĞLƏR

Ucuz qiymətə torpaq sahəsi almaq istəyənlər üçün YENİ XƏBƏR

Nazirliklərə məxsus avtomobillər satışa çıxarıldı - QİYMƏTLƏR

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı