Süni intellektin sürətlə inkişaf etdiyi bir dövrdə onun tibb sahəsində rolu xüsusi diqqət çəkir.

BAKU.WS-in məlumatına görə, artıq bir çox ölkələrdə diaqnostika, xəstəliklərin erkən aşkar edilməsi, tibbi görüntülərin təhlili və xəstə məlumatlarının idarə edilməsi kimi proseslərdə süni intellekt sistemlərinin tətbiqi real nəticələr verir.

Klinik qərarvermə mərhələsində böyük məlumat bazalarını saniyələr içində analiz edə bilməsi süni intellekti həkimlər üçün güclü köməkçiyə çevirir.

Bu texnologiyanın genişlənməsi fonunda sual yaranır ki, ölkəmizdə süni intellekt gələcəkdə diaqnoz və müalicə qərarlarında tibbi personalın yükünü əhəmiyyətli dərəcədə azalda bilərmi?

Tibbi Ərazi Bölmələrini İdarəetmə Birliyindən (TƏBİB) BAKU.WS-in sorğusuna cavab olaraq bildirilib ki, dünyada səhiyyə sahəsində də yeniliklər, müasir yanaşmalar, innovasiyaların tətbiqi mühüm əhəmiyyət kəsb edir:

"Süni intellekt sistemlərinin tibb müəssisələrində tam fəaliyyət göstərə bilməsi üçün müvafiq inteqrasiya planları nəzərdə tutulub. Bu planda Xəstəxana İdarəetmə Sistemi (XİS və ya EHR) ilə inteqrasiya, məlumatların real vaxtda AI modelləri tərəfindən təhlili və avtomatik tövsiyələr təqdim edilməsi, tibbi avadanlıqlarla əlaqələndirilmə, görüntülərin avtomatik analizi və diaqnostik qərar dəstəyi kimi proseslərin icra olunması və nəticədə süni intellektin üstünlüklərindən əhaliyə daha keyfiyyətli və innovativ tibbi xidmət göstərilməsi nəzərdən keçirilir".

Orxan Hüseyn

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

"Süni intellektin mediada tətbiqi" mövzusunda seminarlara başlanılıb

Həyatda yaxşı şeyləri niyə görmürük? - Tanınmış simaların FİKİRLƏRİ