Son günlər sosial şəbəkələrdə vəfat edən şəxslərin kredit borcu ilə bağlı müzakirələr artıb.

Paylaşımlarda iddia olunur ki, banklar vəfat edən şəxslərin kredit borclarının ödənilməsini ailə üzvlərindən tələb edir.

Maraqlıdır, belə hal yarandıqda qanunla borcu kim ödəməlidir?

Hüquqşünas Vüsal Cəfərov bildirir ki, borclanan şəxsin ölümündən sonra qalan kredit məbləği miras passivi sayılır və bu borc yalnız mirası qəbul edən vərəsələr tərəfindən ödənilməlidir.

Onun sözlərinə görə, vərəsələr qəbul etdikləri miras əmlakının dəyəri həddində məsuliyyət daşıyırlar. Yəni miras əmlakı hansı məbləğdədirsə, borc da yalnız həmin məbləğ çərçivəsində ödənilə bilər. Əgər vəfat edən şəxsin miras aktivi yoxdursa, yəni onun adına dəyərli əmlak qalmayıbsa, vərəsələr heç bir məsuliyyət daşımır və bank onların qarşısında tələb irəli sürə bilməz.

Qanunvericiliyə görə, kredit götürən şəxsin həyatı sığortalandığı halda isə borc sığorta şirkəti tərəfindən ödənilir.

Ətraflı Baku TV-nin videomaterialında:

Oxşar xəbərlər

Silahlı Qüvvələrin bir qrup hərbi qulluqçu təltif edilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Həyatda yaxşı şeyləri niyə görmürük? - Tanınmış simaların FİKİRLƏRİ

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycanda borcluya üzərinə həbs qoyulan əmlakı satmaq üçün iki ay möhlət verilməsi təsdiqlənib