Türkiyənin ilk pilotsuz döyüş təyyarəsi olan "Bayraktar Kızılelma" daha bir misilsiz uğur əldə edərək dünya hərbi aviasiyası tarixində öz adını yazdırıb.

Far.Az "Anadolu" agentliyinə istinadən xəbər verir ki, Sinop sahillərində keçirilən sınaq zamanı "Kızılelma" görmə məsafəsindən kənarda olan reaktiv mühərrikli hava hədəfini hava-hava raketi ilə dəqiq vurmağa nail olub.

Bu, pilotsuz döyüş təyyarələri arasında indiyədək mümkün olmayan bir göstərici idi və "Kızılelma" bu qabiliyyəti nümayiş etdirən ilk platforma kimi tarixə düşüb.

Sınaq çərçivəsində buraxılan sürətli reaktiv hədəf dronu ASELSAN tərəfindən hazırlanmış URAD AESA radarı vasitəsilə "Kızılelma" tərəfindən müəyyən edilib və izlənib. Daha sonra təyyarə qanadaltı hissəsində daşıdığı GÖKDOĞAN uzun mənzilli hava-hava raketini hədəfə yönəldərək uğurla məhv edib.

Qeyd edilir ki, indiyədək pilotsuz döyüş sistemləri əsasən yerüstü hədəflərə qarşı istifadə olunub və heç bir PUA havadakı hədəfi vura bilməyib. "Bayraktar Kızılelma" isə bu baryeri aşaraq yeni bir mərhələnin başlanğıcını qoyub və PUA texnologiyasında tamamilə yeni standart yaradıb.

Qalereya

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan musiqi tarixində misilsiz iz qoyan bəstəkar Asəf Zeynallının vəfatından 93 il ötür