Müntəzəm olaraq baş-beyin travmaları ilə müşayiət olunan idman növləri - məsələn, boks, xokkey və amerikan futbolu - demensiyanın inkişaf riskini artırır.

Far.Az xəbər verir ki, bu barədə "Qazeta.Ru"-ya psixiatr-narkoloq Ruslan İsayev məlumat verib.

"Belə adlandırılan "boksçu demensiyası" sadəcə bir ifadə deyil, rəsmi tibbi termin sayılan xroniki travmatik ensefalopatiya (XTE) üçün işlədilir.

Bu, beynin çoxsaylı zədələr nəticəsində yaranan və getdikcə proqressivləşən pozğunluğudur. Zədələr mütləq ağır olmalı deyil - başa davamlı zərbələr, xüsusilə də kontakt idman növlərində (boks, kikboksinq, MMA, amerikan futbolu, xokkey) beyində mikrosarsıntılar yaradır.

Hər biri ayrıca simptom verməsə də, uzunmüddətli təsir neyrodegenerativ prosesləri işə salır.

Nəticədə neyronlar məhv olur və beynin müxtəlif hissələri arasındakı əlaqə pozulur", – deyə mütəxəssis izah edib.

XTE adətən illər sonra - bəzən hətta idman karyerasının bitməsindən onilliklər keçdikdən sonra özünü göstərir.

"Əvvəlcə dəyişikliklər xasiyyətdə hiss olunur: əsəbilik, ani reaksiyalar, impulsiv davranış, depressiv hallar və diqqət pozğunluğu yaranır. Daha sonrakı mərhələlərdə yaddaş, nitq və hərəkət koordinasiyası pozulur, ağır hallarda isə Altsheymer xəstəliyinə bənzər kognitiv pozğunluqlar inkişaf edir", – deyə həkim əlavə edib.

Risk qrupuna uzun illər ərzində təkrar baş zədələri alan peşəkar idmançılar daxildir - xüsusilə kontakt döyüş növləri ilə məşğul olanlar. Oxşar hallar hərbi qulluqçularda və dəfələrlə məişət travması keçirən şəxslərdə də müşahidə olunub.

"Hazırda müasir tibb xroniki travmatik ensefalopatiyanı tam müalicə edə bilmir, lakin kognitiv və davranış dəyişikliklərinin vaxtında aşkar edilməsi onun inkişafını yavaşlatmağa və xəstənin həyat keyfiyyətini qorumağa kömək edə bilər", – deyə İsayev yekunlaşdırıb.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Alim Nəbiyev MMA-də növbəti qələbəsini qazanıb, rəqibini 1-ci raundda nokaut edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda insanlara qurulan "ölüm tələsi" - Vətəndaşları kimlər narazı salır?

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib