Böyük Britaniyada iki populyar çips markası təhlükəli hesab edilərək bazardan geri çağırılıb.

Qida Standartları Agentliyi (FSA) məhsulların etiketində göstərilməyən allergen maddələr səbəbilə istehlakçılara "qətiyyən istifadə etməyin" xəbərdarlığı edib.

BAKU.WS xəbər verir ki, Calbee Group UK şirkəti tərəfindən istehsal olunan Calbee Hot & Spicy Chips məhsulunda xardal, Calbee Pizza Chips çipsində isə kərəviz olduğu aşkarlanıb. Bu maddələrin paket üzərində qeyd edilməməsi allergiyası olan şəxslər üçün ciddi təhlükə yarada bilər.

FSA açıqlayıb ki, bu məhsulları alanlar mağazaya qaytarmaqla tam ödəniş ala bilərlər. Eyni zamanda şirkətin müştəri xidmətləri ilə əlaqə saxlamaq imkanı təqdim olunub.

Geri çağırılma, Hot & Spicy Chips-in 55 q və 105 q-lıq paketlərində 5 iyun 2026-dək olan, Pizza Chips-in isə 55 q-lıq paketlərində 28 aprel 2026-dək olan bütün son istifadə tarixlərini əhatə edir.

Ekspertlər bildirir ki, bu cür hallar yalnız İngiltərəyə aid deyil. Onlar xüsusilə idxal və onlayn sifariş edilən paketli qidaların etiketlərinin diqqətlə oxunmasını tövsiyə edirlər. İdxal məhsullarda allergen xəbərdarlıqlarının tam göstərilməməsi təhlükə yarada bilər.

Oxşar xəbərlər

Məşhur çips məhsulunda UYĞUNSUZLUQ AŞKARLANDI

"Sabah Investment Group", "Reportage Group" və "Elie Saab"dan Azərbaycada ilk brend yaşayış layihəsi:"Panorama by Elie Saab"

Ev şəraitində baş verən zəhərlənmə və 162 şübhəli müraciət: Yayda nədən uzaq durmalıyıq?

"Global Media Group" "Xəzəri qoruyaq" ekoloji aksiyasına qoşulub

"Global Media Group" Media Akademiyasının təlim proqramına start verilib