İspaniyada qeyri-adi bir əmək mübahisəsinə baxılıb. Məhkəmə şirkətin işçini vəzifəsindən azad etmək qərarını dəstəkləyib. Səbəb isə qadının daim növbəsinin başlanmasından tez işə gəlməsi olub.

BAKU.WS xəbər verir ki, kuryer xidmətində çalışmış qadın iş yerinə hər gün saat 06:45–07:00 arası gedib.

Halbuki onun iş saatı müqaviləyə əsasən saat 07:30-da başlamalı olub. Rəhbərlik bu çalışqanlığı daxili intizam qaydalarının ciddi pozuntusu kimi qiymətləndirib.

Şirkətin izahına görə, həmin erkən saatlarda işçi üçün heç bir tapşırıq olmayıb. Onun iş yerində olması fayda verməyib, əksinə müəyyən narahatlıq və qrafikdən kənarlaşma yaradıb.

2023-cü ildə ona rəsmi yazılı xəbərdarlıq edilsə də, o, yenə də işə vaxtından əvvəl gəlməyə davam edib. Bu isə onun "ciddi pozuntu" səbəbilə işdən çıxarılması üçün əsas olub.

İşçi qərarı "Alicante" ictimai məhkəməsində mübahisələndirməyə cəhd etsə də, hakim tam şəkildə işəgötürənin tərəfini tutub. Qərarda qeyd olunub ki, qadın bu davranışı ilə əmək münasibətlərinin əsas prinsiplərini sarsıdıb.

Məhkəmə hesab edib ki, rəsmi xəbərdarlıqları davamlı şəkildə görməzdən gəlməsi şirkətə müqaviləni hər hansı kompensasiya olmadan ləğv etmək hüququ verir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Həyatda yaxşı şeyləri niyə görmürük? - Tanınmış simaların FİKİRLƏRİ