"Qarabağ"la qarşılaşma ərəfəsində Niderland nəhəngi "Ayaks"ın qapıçısı Vitezslav Yaroş komandasının hədəflərini açıqlayıb.

Far.Az xəbər verir ki, Yaroş Bakıdakı mətbuat konfransında çıxışı zamanı son görüşlərdə "Ayaks"ın özünü daha yaxşı göstərdiyini bildirib:

"Komandamızın oyununda yüksəliş var. Son matçlarımız bunu göstərdi. "Ayaks" kimi klubun bir hissəsi olmaq mənim üçün böyük xoşbəxtlikdir. Burada hər şey yaxşı gedir. "Qarabağ"a qarşı da maksimum səviyyədə oynamağa çalışacağıq".

Gənc qolkiper qarşıdakı matçın onlar üçün əhəmiyyətini vurğulayaraq, meydanda mübariz oyun nümayiş etdirməyə hazır olduqlarını deyib.

Xatırladaq ki, UEFA Çempionlar Liqasının əsas mərhələsinin VI turu çərçivəsində keçiriləcək "Qarabağ" – "Ayaks" qarşılaşması 10 dekabr saat 21:45-də Tofiq Bəhramov adına Respublika Stadionunda baş tutacaq.

Oxşar xəbərlər

Bakıdakı hərbi paraddan maraqlı FOTOLAR

Qış turizm mövsümü öncəsi daxili turizm imkanları nümayiş etdirilib

İlham Əliyev Cəbrayılın Horovlu kəndinin birinci mərhələsinin açılışında iştirak edib

Birinci Qarabağ müharibəsinin itkin-şəhidi Mübariz Şahmurov dəfn olunub

Röya Ayxandan İDDİALI FOTOSESSİYA