"Global Panorama"nın budəfəki buraxılışında Azərbaycan və Ermənistan arasında sülh müzakirələrinin müsbət istiqamətdə irəliləməsi və Zəngəzur dəhlizinin açılmasının regional sabitlik və inkişaf üçün əhəmiyyəti vurğulanıb.

Verilişdə bildirilib ki, Azərbaycan Prezidentinin köməkçisi Hikmət Hacıyev Brüsseldə verdiyi müsahibədə münaqişənin bitdiyini və iqtisadi inkişaf üçün genişmiqyaslı layihələrin ön plana çıxdığını qeyd edib.

Zəngəzur dəhlizinin həm regional, həm də beynəlxalq nəqliyyat və enerji əməkdaşlığında mühüm rolu olacağına diqqət çəkilib. Eyni zamanda bölgədəki sabitliyin təmin olunmasında Azərbaycanın sülh təkliflərinin önəmi vurğulanıb.

Proqramda Azərbaycanın regionda genişmiqyaslı iqtisadi layihələrə yönəlməsinin və bu layihələrin həm Ermənistan, həm də digər qonşu ölkələrlə əməkdaşlığın inkişafına təsir edəcəyinin əhəmiyyəti diqqətə çatdırılıb.

Sülhün bərqərar olması üçün ən vacib addımların atıldığı, amma Ermənistanın siyasi vəziyyətinin hələ də qeyri-müəyyən olduğu da qeyd edilib. Gələcəkdə Ermənistanın daxili vəziyyətindəki dəyişikliklərin regiondakı sabitliyə təsir edəcəyi proqnozlaşdırılıb.

Daha ətraflı Baku TV-nin videomaterialında:

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev "Əl-Ərəbiyyə" telekanalına müsahibə verib

Prezident İlham Əliyev XII Qlobal Bakı Forumunun açılış mərasimində çıxış edib