Qərbi Afrika Dövlətlərinin İqtisadi Birliyi (ECOWAS) 2026-cı ilin sonuna qədər 1 650 nəfərlik terrorizmə qarşı mübarizə briqadasını da əhatə edən çevik reaksiya qüvvələri yaradacaq.

"Report"un "Vanguard" qəzetinə istinadən məlumatına görə, ECOWAS sədri, Syerra-Leonenin Prezidenti Julius Maada Bio bu barədə regional birliyin Nigeriyanın paytaxtı Abucada keçirilən sammitində bildirib.

Onun sözlərinə görə, hazırkı sammit tarixi hadisədir, çünki Qərbi Afrika ölkələri müstəqillik qazandıqdan bəri ən ciddi təhlükəsizlik və iqtisadi çətinliklərlə üzləşirlər. Terrorizm və mütəşəkkil cinayətkarlıq inkişaf səylərini sarsıdır.

ECOWAS sədri həmçinin region ölkələrinin 2027-ci ilə qədər strateji prioritet olaraq vahid valyuta tətbiq etməyi hədəflədiyini açıqlayıb.

"Bu, bank köçürmə xərclərini azaldacaq, ticarəti genişləndirəcək və birlik ölkələrinin rəqabət qabiliyyətini artıracaq", - o vurğulayıb.

ECOWAS 1 yanvar 2026-cı ildən etibarən hava nəqliyyatında rüsumları ləğv edəcək.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Yaxın Şərq Sülh Sammitində iştirak edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Həyatda yaxşı şeyləri niyə görmürük? - Tanınmış simaların FİKİRLƏRİ