ABŞ Prezidenti Donald Tramp Hindistanın bundan sonra İran əvəzinə Venesueladan neft satın alacağını açıqlayıb. Onun sözlərinə görə, bu istiqamətdə artıq "razılaşma konsepti" formalaşdırılıb.

Far.Az xəbər verir ki, Tramp Venesuela nefti ilə bağlı Çinin də bu prosesə qoşula biləcəyini, Pekin üçün qapının açıq olduğunu bildirib.

ABŞ lideri Kuba ilə danışıqlara başladıqlarını da qeyd edib. O, Meksika Prezidenti Klaudia Şeynbaumun Kubaya qarşı tətbiq olunan embarqonun humanitar böhrana səbəb ola biləcəyi barədə xəbərdarlığına münasibət bildirərək, Kubanın ABŞ-la razılaşmaya gələcəyini və bunun ölkənin "yenidən azad olmasına" yol açacağını deyib.

İran məsələsinə toxunan Tramp isə bildirib ki, bölgədə güclü hərbi qüvvələr mövcuddur və Tehranla danışıqlar davam edir. O, İranın nüvə silahı əldə etməsinin yolverilməz olduğunu vurğulayaraq, hər kəs üçün qənaətbəxş bir razılaşmanın mümkün olduğunu, lakin bunun baş tutub-tutmayacağının hələ bəlli olmadığını qeyd edib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Vətən müharibəsində Qələbənin beşinci ildönümünə həsr olunmuş Hərbi parad keçirilib