"Telegram" messencerində "Game Boy" və "Game Boy Color" üçün nəzərdə tutulmuş oyunları işə salmağa imkan verən "GBC TG" adlı pulsuz emulator istifadəyə verilib.

Far.Az xəbər verir ki, layihənin istifadəyə başlanması barədə həllin müəllifi olan "Pyatdesyat Çetvyortıy" kanalının yaradıcısı məlumat verib.

Tərtibatçının sözlərinə görə, emulator Telegram-a retro oyunların inteqrasiyası təşəbbüsünün davamıdır. İstifadəçilərə 500-dən çox klassik oyundan ibarət kitabxana təqdim olunur və bu oyunlar birbaşa messencerin daxilində, əlavə proqram təminatı quraşdırmadan işlədilir.

Xidmət smartfonlar və kompüterlər daxil olmaqla əksər cihazlarda dəstəklənir. Eyni zamanda ekrandakı rəng palitrasını dəyişməyə imkan verən vizual filtrlər sistemi mövcuddur. Bu funksiya "P" düyməsi vasitəsilə aktivləşdirilir.

Qeyd edək ki, "Game Boy" oyunu "Nintendo" şirkətinin portativ konsoludur və ilk dəfə 21 aprel 1989-cu ildə Yaponiyada satışa çıxarılıb. Konsol monoxrom ekranla təchiz olunmuşdu. 1998-ci ildə təqdim edilən "Game Boy Color" isə rəngli maye-kristal displeyə malik olsa da, işıqlandırma sistemi yox idi. Orijinal "Game Boy" versiyası zamanla kult konsol statusu qazanıb.

Oxşar xəbərlər

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xətai rayonunda Heydər Əliyev Fondu tərəfindən yeni məktəb binası istifadəyə verilib