Azərbaycan Dövlət Neft Fondu (ARDNF) üçün qızıl qısamüddətli gəlir mənbəyi deyil, ölkənin strateji valyuta ehtiyatlarının qorunmasına xidmət edən aktivdir.

Bu barədə "Far.Az"un sorğusuna cavab olaraq ARDNF-dən məlumat verilib.

Bildirilib ki, qızıl emitent və tərəf-müqabili risklərindən nisbətən azad olmaqla, real faiz dərəcələri, valyuta bazarları və geosiyasi qeyri-müəyyənliklər fonunda portfelin dayanıqlılığını artıran aktiv rolunu oynayır.

"Fondun 2026-cı il üzrə təsdiqlənmiş investisiya siyasətinə uyğun olaraq, qızıl altportfeli üzrə hədəf göstərici investisiya portfelinin məcmu dəyərinin 35 %-nə qədər müəyyən edilib. Bu hədəfdən maksimal yuxarı uzaqlaşma intervalı isə 4 % səviyyəsində təsbit olunub. Mövcud göstəricilər göstərir ki, hazırkı qızıl ehtiyatları Fondun müəyyənləşdirdiyi strateji çərçivə daxilindədir. Bu ilin III rübündə qızıl altportfeli ilkin planlamaya uyğun şəkildə formalaşdırılıb və bu mərhələdə nəzərdə tutulan hədəflərə çatdırılıb.

Bu səbəbdən, növbəti dövrlərdə qızıl altportfeli üzrə qərarlar qızıl qiymətlərinin qısamüddətli dəyişkənliyinə reaksiya vermək məqsədi daşımır, əksinə, təsdiqlənmiş strategiya, risk-gəlir balansı və portfelin ümumi strukturu nəzərə alınmaqla yenidən qiymətləndirilə bilər", - deyə məlumatda qeyd olunub.

Oxşar xəbərlər

ARDNF-in gələn il üçün investisiya siyasətinin əsas istiqamətləri açıqlanıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib