İran xarici ölkələrə ballistik raketlər, pilotsuz uçuş aparatları və hərbi gəmilər daxil olmaqla, qabaqcıl silah sistemlərini kriptovalyuta qarşılığında satmağı təklif edir. Tehran bu üsulla Qərbin tətbiq etdiyi maliyyə məhdudiyyətlərini aşmağa çalışır.

Far.Az-in məlumatına görə, bu barədə "The Financial Times" nəşri yazıb. Bildirilir ki, İran Müdafiə Nazirliyinin İxrac Əməliyyatları Mərkəzi - "Mindex" - hərbi müqavilələrdə ödənişin kriptovalyutalarla yanaşı, barter yolu ilə və ya İran rialı ilə aparılmasını da müzakirə etməyə hazırdır. Qəzetin araşdırdığı reklam materialları və müqavilə şərtləri bunu təsdiqləyir.

Məqalədə qeyd olunur ki, son bir il ərzində gündəmə gələn bu təşəbbüs, bir dövlətin strateji hərbi texnikanın ixracında ödəniş vasitəsi kimi kriptovalyutanı açıq şəkildə qəbul etməyə hazır olduğunu nümayiş etdirdiyi ilk məlum nümunələrdən biri sayılır.

İranın hərbi məhsullarının xarici bazarlara çıxarılmasına cavabdeh olan "Mindex"in 35 ölkə ilə əməkdaşlıq etdiyi iddia edilir. Təşkilatın təqdim etdiyi silah kataloqunda "Emad" ballistik raketləri, "Şahed" tipli PUA-lar, "Şəhid Süleymani" sinifli hərbi gəmilər, eləcə də qısamənzilli hava hücumundan müdafiə sistemləri yer alır.

Oxşar xəbərlər

Gəncənin ballistik raket atəşinə tutulması əmrinin Ermənistan rəhbərliyi tərəfindən növbəti dəfə təsdiqlənib

Bakıdakı bazarlardan birində balıq kürüsü satışında ciddi nöqsanlar aşkarlanıb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

FT: İran silah alışı üçün kriptovalyuta ilə ödəniş təklif edir