Saatlı rayonunda kişi arvadını yavaş danışdığı üçün döyüb.

BAKU.WS Oxu.Az-a istinadən xəbər verir ki, rayon sakini, 1993-cü il təvəllüdlü Sahil Ağayev (soyad şərtidir) 2012-ci ildə ailə həyatı qurub və birgə nikahdan iki övladları dünyaya gəlib.

Bir müddət əvvəl Sahil qripə yoluxduğundan qulaqları tutulub və eşitmə qabiliyyəti zəifləyib. O, bununla bağlı həkimə müraciət etsə də, müalicələri nəticə verməyib. Bu hadisə Sahilin əsəb sisteminə təsir edib. Sahil xəstəxanadan evə gəlib həyat yoldaşından nəyisə soruşub, lakin həyat yoldaşının cavabını eşitməyib. O, həyat yoldaşına ucadan danışmağı xahiş etsə də, qadın ucadan danışmayıb. Buna əsəbiləşən Sahil həyat yoldaşına yumruq və şillə zərbələri endirib, onun saçından tutaraq sürüyüb. Bununla ürəyi soyumayan kişi həyat yoldaşının başını çarpayıya vurub.

Hadisə yerinə polis əməkdaşları gəliblər və S.Ağayev saxlanılıb.

Faktla bağlı cinayət işi başlanılıb və iş məhkəməyə göndərilib. Məhkəmə istintaqı dövründə ər və arvad barışdığı üçün Saatlı Rayon Məhkəməsi işə xitam verib.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

"Eşitməyən qalmasın!" - Avaz Eşitmə və Nitq Mərkəzi bu məqsədlə xidmətinizdədir

Prezident İlham Əliyev Əfv Sərəncamı imzalayıb

Doğulanda atası 40 qoyun kəsdirdi, anası bəzəndi deyə onu döydü - Reanimasiyada olan Fatih Ürek haqqında BİLİNMƏYƏNLƏR

Bloger Aysel Şükür həyat yoldaşından ayrıldı